Skuldir skráðra félaga á aðal­l­ista kaup­hallar Íslands nema nú 1.806 millj­örðum króna, sem er upp­hæð sem nemur 2,4 sinnum eigið fé þeirra. Það er skuld­setn­ing sem telst frekar í lægri kant­in­um, sé horft til skráðra félaga erlend­is, en algengt er að hlut­fallið sé jafn­vel á bil­inu 4 til 5 sinnum eigið fé, þegar horft er til með­al­tala skráðra félaga í stærri kaup­höll­u­m. 

Það félag sem er með mestar skuldir á aðal­l­ist­anum er Arion banki, enda sker hann sig algjör­lega frá öðrum fyr­ir­tækjum sem eini skráði bank­inn á mark­aði, þar sem stór hluti af efna­hagnum er tengdur skuld­bind­ingum við fólk vegna inn­lána. 

Með til­komu Arion banka á mark­að­inn juk­ust skuld­irnar mik­ið, þegar horft er til þessa mæli­kvarða, þar sem skuld­setn­ing er metin sem hlut­fall af eigin fé. Að sama skapi er ekk­ert félag á íslenska mark­aðnum með meira eigið fé, en það var 200,9 millj­arðar króna í lok árs í fyrra.

Eins og greint var frá á vef Kjarn­ans á dög­unum, þá nemur mark­aðsvirði skráðra íslenskra félaga, miðað við stöð­una eins og hún var um miðjan mán­uð­inn, um 1,4 sinnum eigið þeirra. Það telst fremur lágt verð í alþjóð­legum sam­an­burði, en á síð­ustu fimm árum hefur þetta hlut­fall sveifl­ast frá 1,3 til 1,6 sinnum eigið fé. 

Blaða­maður hefur safnað gögnum um þennan mæli­kvarða á rekstur skráðu félag­anna fyrir und­an­farin fimm ár og upp­fært í byrjun árs ár hver, en algengt er að alþjóð­legir fjár­festar meti hluta­bréfa­mark­aði ein­stakra ríkja meðal ann­ars eftir því hvernig mark­aðsvirðið er, miðað við eigið fé fyr­ir­tækj­anna í heild, og síðan hvernig skuld­setn­ing fyr­ir­tækj­anna þró­ast í hlut­falli við eigið fé. 

Mis­jafnt er hvaða mæli­kvarðar eru skoð­aðir við mat á þróun mála, ekki síst þar sem mis­mun­andi rekstr­ar­við­mið geta verið fyrir fyr­ir­tæki, eftir því í hvaða geirum atvinnu­lífs­ins þau starfa. 

Lang­verð­mætasta félagið í kaup­höll­inni er Mar­el, en mark­aðsvirði þess er nú komið í 322,2 millj­arða króna. Það félag er með næst mestu skuld­irnar af félög­unum í kaup­höll­inni, eða rúm­lega 135 millj­arða króna. 

Íslenskur almenn­ingur á mikið undir því að rekstur skráðra félaga gangi vel, en íslenskir líf­eyr­is­sjóðir eiga á bil­inu 40 til 50 pró­sent af hlutfé félag­anna í íslensku kaup­höll­inni.

Heild­­ar­­eign­ir íslenskra líf­eyr­is­­sjóða námu 4.230 millj­­örðum króna í lok des­em­ber og þar af námu íslenskar eign­ir, einkum í verð­bréf­um, 3.155 millj­­örðum króna. Sam­tals voru inn­­­lend útlán og mark­aðs­verð­bréf - þar á meðal skráð hluta­bréf - 2.885 millj­­arðar króna.