Segir það hafa legið fyrir að ríkisstjórnin myndi ekki setja á hátekjuskatt

Katrín Jakobsdóttir forsætisráðherra segir að skattkerfisbreytingar ríkisstjórnarinnar hafi verið kynntar og að það hafi jafnframt legið fyrir, frá því að núverandi ríkisstjórn var mynduð, að hún væri ekki að „fara í hátekjuskatt“.

Katrín Jakobsdóttir, forsætisráðherra.
Katrín Jakobsdóttir, forsætisráðherra.
Auglýsing

Katrín Jak­obs­dótt­ir, for­­sæt­is­ráð­herra, segir að það hafi legið fyrir frá því að núver­andi rík­­is­­stjórn var mynduð að hún væri ekki að „fara í hátekju­skatt“, í sam­tali við Morg­un­út­­varpið á Rás 2 í morg­un. Aðspurð hvort að kynnt­­ar verði frekari breyt­ing­­ar á skatt­­kerf­inu, þá svar­aði Katrín að rík­­is­­stjórnin hefði kynnt sín­­ar skatta­breyt­ing­­ar í gær. Hún sagði jafn­­framt að til­­lögur rík­­is­­stjórn­­­ar­innar séu að umfangi um þrjá­tíu millj­arðar á um þremur árum og þetta séu allt kerf­is­breyt­ingar sem stuðli að miklum sam­­fé­lags­­legum umbót­­um.

Rík­is­stjórnin kynnt­i skatt­kerf­is­breyt­ing­ar sínar í gær

­Rík­is­stjórnin kynnti hug­myndir um þriggja þrepa skatt­kerfi í gær, á fundi sínum með for­svars­mönnum vinnu­mark­að­ar­ins. Verði fyr­ir­ætl­anir stjórn­valda að veru­leika mun lægsta skatt­þrepið ver­a 32,94 pró­sent og skatt­­byrði lág­­tekju­­fólks því lækka um 2 pró­­sent­u­­stig. Þetta kom fram í til­­kynn­ingu frá stjórn­­völd­um í gær ásamt fleiri breyt­ing­ar­til­lög­um, en þetta er útspil stjórn­­­valda inn í kjara­við­ræð­­ur. 

„Breyt­ing­­arnar eru í sam­ræmi við yfir­­lýs­ingu rík­­is­­stjórn­­­ar­innar frá því í febr­­úar 2018. Þær munu sér­­stak­­lega bæta stöðu kvenna, fólks á aldr­inum 18-24 ára, 25-34 ára, öryrkja, eldri borg­­ara, þeim sem ekki eiga hús­næði og þeim sem þiggja hús­næð­is­­stuðn­­ing. Bætt verður við nýju neðsta skatt­­þrepi og fjár­­hæðum til lækk­­unar skatta beint til lægri milli­­­tekju- og lág­­tekju­hópa sam­­kvæmt fyr­ir­ætl­­unum um breyt­ingar í skatta­­málum sem Bjarni Bene­dikts­­son, fjár­­­mála- og efna­hags­ráð­herra kynnti í dag. Gert er ráð fyrir að tekju­á­hrif skatt­­kerf­is­breyt­ing­anna nemi um 14,7 millj­­örðum króna. Hækkun barna­­bóta 2019 nemur 1,6 millj­ónum króna og hækkun per­­són­u­af­­sláttar umfram verð­lag 1,7 millj­ón­ir. Alls nema því til­­lögur stjórn­­­valda í tekju­skatti og barna­­bótum 18 millj­­örðum króna,“ segir í til­­kynn­ing­unn­i. 

Auglýsing

Féll í grýttan far­veg hjá verka­lýðs­hreyf­ing­unni

Útspili stjórn­­­valda inn í kjara­við­ræð­ur var ekki vel tekið hjá verka­lýðs­hreyf­­ing­unni en tölu­verðar vonir voru bundnar við að til­lögur stjórn­valda myndi liðka fyrir við­ræðum og setja þær í það minnsta nær sáttaf­­ar­­veg­i. Drífa Snædal, for­­seti ASÍ, sagði eftir að útspil stjórn­­­valda hafði verið kynnt, að nið­­ur­­staðan væri von­brigði, og hún lið­k­aði ekki fyrir kjara­við­ræð­u­m.

Jafn­framt hafa VR, Efl­ing, Verka­lýðs­­fé­lag Akra­­ness og Verka­lýðs­­fé­lag Grinda­víkur lýst yfir reiði og sárum von­brigðum með til­­lög­ur ­rík­is­stjórn­ar­inn­ar. „Vonir stóðu til að aðkoma stjórn­­­valda gæti hleypt glæðum í við­ræð­­ur. Ljóst er að til­­lögur stjórn­­­valda gera þær vonir að engu. Fundað verður í bak­landi stétt­­ar­­fé­lag­anna á næstu sól­­­ar­hringum og á fimmt­u­dag funda for­­menn félag­anna með SA hjá Rík­­is­sátta­­semj­­ara. ­Sam­flots­fé­lög­in standa sam­einuð og stað­­föst í kröf­unni um að launa­­fólk geti lifað af launum sínum og að stjórn­­völd geri löngu tíma­­bærar kerf­is­breyt­ingar í rétt­læt­isátt,“ segir í sam­eig­in­legri yfir­lýs­ingu sem und­ir­rituð er af ­for­mönn­um ­stétt­ar­fé­lag­anna fjög­urra í gær.

Katrín bendir á að fleiri aðgerðir hafi verið kynntar en skatt­kerf­is­breyt­ingar

Í sam­tali við Morg­un­út­varp Rásar 2 í morgun sagði for­sæt­is­ráð­herra að til­lögur rík­is­stjórn­ar­innar gætu skipt allan almenn­ing á Ís­landi miklu máli. Hún benti á að rík­is­stjórnin hefði ekki aðeins kynnt skatt­kerf­is­breyt­ingar heldur einnig til­lögur um að lengja fæð­ing­ar­or­lofið í tólf mán­uð­i, ­tryggja félags­legar lausnir í hús­næð­is­málum og ráð­ast í alvöru aðgerðir gegn félags­legum und­ir­boð­u­m. 

Katrín sagði jafn­framt nýja skatt­þrepið væri tölu­verðar umbætur fyrir lægsta tekju­hóp­inn. Hún sagði þetta vera þriggja þrepa kerfi sem væri í raun „prógressí­vt“ skatt­kerfi. Jafn­framt sagði hún að nýja skatt­kerfið myndi létta 80 þús­und króna skatt­byrði af lægstu tekju­hóp­unum á ári og benti jafn­framt á að með barna­bótum myndu tekju­lág­ar ­barna­fjöl­skyldur hafa allt að 200 þús­und meira úr að spila á ári. Hún sagði jafn­framt að lagt hefði verið til að af­nema samnýt­ingu þrepa sem væri mik­il­væg jafn­rétt­is­að­gerð.

Skatt­kerf­is­breyt­ing­arnar féllu þó í grýttan jarð­veg hjá verka­lýðs­hreyf­ing­unni en verka­lýðs­fé­lögin hafa  sagt að um gríð­ar­leg von­brigði sé að ræða og að stjórn­völd hafi í raun aðeins boðið skatta­lækk­un ­sem nemur 6750 krónur á mán­uði. Í Face­book-­færslu Drífu Snæ­dal í gær kemur fram að til­lagan að skatta­lækk­unin á þá „hópa sem enn ná ekki endum sam­an“ dugi varla fyrir einni ferð í Bónus og sú lækkun eigi jafn­framt að koma ein­hvern tím­ann á næstu þremur árum.

Virð­ist ekki vera von á frekar til­lögum að skatta­breyt­ingum

Aðspurð um við­brögð verka­lýðs­hreyf­ing­ar­inn­ar ­sagði Katrín að rík­is­stjórnin sé búin að vera „mjög heið­ar­leg“ frá upp­hafi og hafi sýnt spilin sín allt frá því að þau lögðu fram fjár­mála­á­ætlun rík­is­stjórn­ar­innar fyrir ári. Hún sagði jafn­framt að þetta væri svig­rúmið sem sé til staðar og nið­ur­staða stjórn­valda hafi verið að útfæra skatt­kerf­is­breyt­ingu sem kæmi sér best fyrir tekju­lægsta hóp­inn. 

Helgi Selj­an, þátta­stjórn­andi Morg­un­út­varps­ins, spurði þá Katrínu hvort að skoðað hafi verið að setja á hátekju­skatt. Katrín svar­aði þá að „það hefur vænt­an­lega legið fyrir frá því að við mynd­uðum þessa rík­is­stjórn að við værum ekki að fara í hátekju­skatt.“

Að lokum sagði Katrín að rík­is­stjórnin vilji halda sam­tal­inu áfram en aðspurð hvort að kynnt­ar verði frekari breyt­ing­ar á skatt­kerf­inu en þetta, þá svar­aði Katrín að rík­is­stjórnin hefði kynnt sín­ar skatta­breyt­ing­ar í gær. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiInnlent