Rúmlega helmingur landsmanna andvígur veggjöldum

Rúmur helmingur landsmanna eða 52 prósent, sagðist andvígur innheimtu veggjalda en um þriðjungur sagðist hlynntur. Stuðningsfólk Miðflokksins, Flokks fólksins og Pírata var líklegast til að vera andvígt innheimtu veggjalda.

rangarvallasysla_14357160377_o.original (2).jpg
Auglýsing

Rúm­lega helm­ingur lands­manna kveðst and­vígur inn­heimtu veggjalda til að standa straum af rekstri þjóð­vega á Íslandi en um þriðj­ungur er hlynnt­ur, sam­kvæmt nýrri könnun MMR. Jákvæðni gagn­vart veggjöldum jókst með auknum aldri og konur reynd­ust jákvæð­ari en karlar gagn­vart veggjöld­um. ­Stuðn­ings­fólk Sjálf­stæð­is­flokks­ins, Vinstri grænna og Við­reisnar reynd­ust lík­leg­ust til að segj­ast fylgj­andi veggjöldum en stuðn­ings­fólk Mið­flokks­ins ólík­leg­ust. Þá voru stuðn­ings­fólk Mið­flokks­ins, Flokks fólks­ins og Pírata lík­leg­ust til að segj­ast and­víg inn­heimtu veggjalda

Sjálf­stæð­is­menn skipt um skoðun

Mynd: MMRKönn­unin var fram­kvæmd dag­ana 18. til 28. jan­úar 2019 en ekki má sjá miklar breyt­ingar á afstöðu lands­manna frá síð­ustu könnun MMR í maí 2018. Nú kváð­ust 34 pró­sent svar­enda mjög and­víg slíkum veggjöld­um, 18 pró­sent frekar and­víg, 21 pró­sent frekar fylgj­andi og 11 pró­sent mjög fylgj­andi. Þá kváð­ust 17 pró­sent hvorki fylgj­andi né and­víg inn­heimtu veggjalda. 

Í grein­ingu MMR segir að þegar litið sé til breyt­inga nið­ur­staðna frá fyrri könn­unum má sjá hvernig afstaða fólks til veggjalda hefur breyst eftir flokkslínum eftir því sem liðið hefur á umræð­una. Má í því sam­bandi nefna að í jan­úar 2011, þegar Vinstri græn og Sam­fylk­ing sátu í rík­is­stjórn, mæld­ist mest and­staða meðal Sjálf­stæð­is­manna þegar spurt var hvort að nýta ætti veggjöld til að standa undir nýfram­kvæmdum í sam­göngu­málum og sögð­ust ekki nema 11 pró­sent Sjálf­stæð­is­fólks fylgj­andi veggjöld­um. Í maí 2017 sögð­ust hins vegar 32 pró­sent Sjálf­stæð­is­manna vera hlynnt því að veggjöld stæðu undir rekstri þjóð­vega á Íslandi, í apríl 2018 var hlut­fallið komið upp í 45 pró­sent og í dag mælist það 49 pró­sent

Auglýsing

Stuðn­ings­fólk Mið­flokks­ins, Flokks fólks­ins og Pírata lík­leg­ust til að vera and­víg veggjöldum

Stuðn­ings­fólk Sjálf­stæð­is­flokks­ins, 49 pró­sent, Vinstri grænna, 44 pró­sent og Við­reisna, 44 pró­sent reynd­ust lík­leg­ust til að segj­ast fylgj­andi veggjöldum en stuðn­ings­fólk Mið­flokks­ins ólík­leg­ust 14 pró­sent. Þá voru stuðn­ings­fólk Mið­flokks­ins 73 pró­sent, Flokks fólks­ins 61 pró­sent og Pírata 59 pró­sent lík­leg­ust til að segj­ast and­víg inn­heimtu veggjalda en 65 pró­sent stuðn­ings­fólks Mið­flokks og 61 pró­sent stuðn­ings­fólks Flokks fólks­ins kváð­ust mjög and­víg.

Mynd:MMR

Jákvæðni gagn­vart veggjöldum jókst með auknum aldri

Konur reynd­ust jákvæð­ari gagn­vart veggjöldum en karlar en 33 pró­sent kvenna kváð­ust fylgj­andi inn­heimtu veggjalda til að standa straum af rekstri þjóð­vega á Íslandi, sam­an­borið við 29 pró­sent karla. Karlar voru hins vegar lík­legri til að segj­ast and­vígir inn­heimtu slíkra gjalda, 54 pró­sent heldur en konur 49 pró­sent. Jákvæðni gagn­vart veggjöldum jókst með auknum aldri en 42 pró­sent svar­enda í elsta ald­urs­hópi kváð­ust fylgj­andi inn­heimtu veggjalda, sam­an­borið við 36 pró­sent þeirra á aldr­inum 50 til 67 ára og 27 pró­sent þeirra undir fimm­tugu. Lít­ill munur var á afstöðu svar­enda eftir búsetu.

Höskuldur H. Ólafsson hringir bjöllunni frægu við upphaf viðskipta með bréf í Arion banka fyrir einu ári.
Fyrir einu ári síðan: Arion banki skráður á markað
Á þessum degi fyrir einu ári síðan, þann 15. júní 2018, voru bréf í Arion banka tekin til viðskipta í Kauphöll Íslands. Hann varð þar með fyrsti íslenski bankinn til að verða skráður á markað eftir bankahrunið í október 2008.
Kjarninn 15. júní 2019
Sigurður Hlöðversson
Makríll á leið í kvóta – Eftir höfðinu dansa limirnir
Kjarninn 15. júní 2019
Margrét Tryggvadóttir
Hver skapaði skrímslið?
Leslistinn 15. júní 2019
Tíðavörur loks viðurkenndar sem nauðsyn
Alþingi samþykkti á dögunum að lækka virðisaukaskatt á tíðavörum úr efra skattþrepi í neðra. Ákvörðunin kemur í kjölfar þess að konur hafa á síðustu árum vakið athygli á því að það skjóti skökku við að skattleggja ekki tíðavörur sem nauðsynjavörur.
Kjarninn 15. júní 2019
Órói í stjórnmálum haggar varla fylgi stjórnmálablokka
Meirihluti stjórnarandstöðunnar mælist nú með meira fylgi en stjórnarflokkarnir þrír, frjálslyndu miðjuflokkarnir hafa sýnt mikinn stöðugleika í könnunum um langt skeið og fylgi Miðflokksins haggast varla þrátt fyrir mikla fyrirferð.
Kjarninn 15. júní 2019
Wikileaks: Blaðamennska í almannaþágu eða glæpur?
Julian Assange, stofnandi Wikileaks, á í hættu á að vera framseldur til Bandaríkjanna þar sem hann gæti átt yfir höfði sér 175 ár í fangelsi verði hann fundinn sekur.
Kjarninn 15. júní 2019
Segir forystu Sjálfstæðisflokksins vera sama um vilja flokksmanna
Stríð Davíðs Oddssonar og Morgunblaðsins sem hann stýrir við Sjálfstæðisflokkinn heldur áfram á síðum blaðsins í dag. Þar gagnrýnir hann forystu flokksins harkalega og bætir í gagnrýni sína vegna þriðja orkupakkans.
Kjarninn 15. júní 2019
Nýliðunarbrestur veldur Hafró áhyggjum
Hlýnun sjávar í íslenskri lögsögu er einn áhrifaþátturinn sem Hafró fylgist grannt með.
Kjarninn 14. júní 2019
Meira úr sama flokkiInnlent