Mótmæla kynjahalla í verkefnishóp ráðherra um kvikmyndamál

Í níu manna verkefnishóp mennta- og menningarmálaráðherra um stefnu í kvikmyndamálum sitja aðeins tvær konur. WIFT, félag kvenna í kvikmyndum og sjónvarpi, gagnrýnir kynjahlutföll hópsins og krefst þess að konur skipi helming hópsins.

Lilja Alfreðsdóttir, mennta- og menningarmálaráðherra.
Lilja Alfreðsdóttir, mennta- og menningarmálaráðherra.
Auglýsing

Auglýsing

WIFT, Félag kvenna í kvikmyndum og sjónvarpi, mótmæla því að aðeins tvær konur eru í níu manna starfshóp mennta- og menningarmálaráðherra sem vinnur að gerð stefnu í kvikmyndamálum. Félagið segir að ráðuneytið hafi haft tækifæri við skipun þessa starfshóp að framkvæma jafnréttisstefnu stjórnvalda en hafi kosið að gera það ekki. Félagið krefst þess að helmingur hópsins sé skipaður konum og að í hópnum sé allavega ein kona sem starfi við kvikmyndagerð. Ályktunin var birt á vefnum Klapptré.

Fyrsta sinn sem stjórnvöld móta heildstæða stefnu í kvikmyndamálum

Í ályktun félagsins segir að mennta- og menningarmálaráðherra hafi skipað verkefnishóp til að vinna að gerð stefnu í kvikmyndamálum sem gilda á frá 1. janúar 2020 til 31. desember 2030. Þetta sé í fyrsta sinn sem stjórnvöld móta heildstæða stefnu og aðgerðaáætlun á grunni hennar, sem nær yfir hlut kvikmynda í menningu þjóðarinnar, menntun í kvikmyndagerð á öllum skólastigum, miðlun íslensks kvikmyndaefnis og stuðning við framleiðslu kvikmynda.

Dagur Kári Pétursson, formaður Samtaka kvikmyndaleikstjóra og varaformaður Grímar Jónsson framleiðandi, var skipaður formaður verkefnahópsins. Ásamt honum voru Friðrik Þór Friðriksson kvikmyndaleikstjóri, Einar Karl Birgisson framkvæmdastjóri, Þorgeir Ólafsson sérfræðingur á skrifstofu menningarmála, Baldur Sigmundsson sérfræðingur í atvinnu- og nýsköpunarráðuneyti og Kristinn Þórðarson, sérfræðingur frá Samtökum iðnaðarins skipaðir í hópinn. Í hópnum eru sitja einnig  Hanna Katrín Friðriksson alþingismaður og Áslaug María Friðriksdóttir formaður Kvikmyndaráðs.

Í ályktun WIFT er það harðlega gagnrýnt að í hópnum séu sjö karlar en aðeins tvær konur. Auk þess starfi þrír af karlmönnunum við fagið, tveir af þeim séu leikstjórar og sá þriðji sé framleiðandi og varaformaður nefndarinnar. Því gagnrýnir félagið það einnig að hvorug þeirra kvenna sem skipaðar voru í nefndina starfi við fagið. 

Ráðuneytið kaus að framkvæma ekki jafnréttisstefnu stjórnvalda

Enn fremur segir í ályktuninni að undanfarin ár hafi WIFT unnið mikla og endurgjaldslausa vinnu við gerð stórrar samantektar á annars vegar tölfræði sem afhjúpar kynjahallann í faginu á Íslandi og hins vegar tillögur að aðgerðum í átt að jöfnuði m.a. eftir erlendum fyrirmyndum.  Samantektin var unnin í samstarfi við Kvikmyndamiðstöð og Kvikmyndaráð.  Þá hafi félagið boðið mennta- og menningarmálaráðuneytinu fram aðstoð við að móta nýja jafnréttisstefnu tengda kvikmyndum og sjónvarpi, allt frá skólakerfinu til fagsins sjálfs og segir í ályktuninni að því hafi verið vel tekið. 

Samantektin var kynnt allsherjar- og menntamálanefnd, mennta- og menningarmálaráðuneytinu og Lilju Alfreðsdóttur, menningar- og menntamálaráðherra. Í ályktuninni segir að félaginu hafi verið tjáð að tillögurnar kæmu á góðum tíma þar sem verið væri að skipa nefnd sem ætti að móta framtíðarstefnu og því hafi félagið vonaðist til að fá fulltrúa í nefndina. Í ályktuninni segir að þarna hafi ráðuneytið haft tækifæri til að framkvæma jafnréttisstefnu stjórnvalda en hefði í staðinn kosið að gera það ekki.

Krefjast þess að helmingur hópsins séu konur

Félagið vísar því spurningum sínum til mennta- og menningarmálaráðherra og spyr meðal annars hvers vegna jafnréttisstefnu stjórnvalda var ekki fylgt.  „Wift spyr, hvers vegna það var ekki gert? Hver er afstaða nefndarinnar og ráðuneytisins til jafnréttismála í faginu? Hvernig voru fulltrúar í nefndinni valdir og út frá hvaða forsendum?“.

Að lokum krefst félagið að minnsta kosti ein kona sem starfi við kvikmyndagerð sitji í hópnum og að jafnframt sé helmingur hópsins konur. 

Í stjórn WIFT sitja Helga Rakel Rafnsdóttir, Dögg Mósesdóttir, Tinna Hrafnsdóttir og Helga Einarsdóttir.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Women Empowerment – bók eftir Eddu Falak
„Kynþokki er allavega og við ættum ekki að vera hræddar við að sýna hann“
Edda Falak safnar nú fyrir bók sem ber nafnið „Women Empowerment“ á Karolina Fund.
Kjarninn 9. maí 2021
Mótmælandi steytir hnefa í borginni Cali en þar hafa átök milli mótmælenda og lögreglu orðið hve hörðust í mótmælunum sem staðið hafa yfir frá því 28. apríl í Kólumbíu.
Mótmæla harðræði lögreglu í Kólumbíu
Mótmæli hafa staðið yfir í Kólumbíu í á aðra viku. Upphaflega voru það breytingar á sköttum sem fólk mótmælti en síðar varð það harðræði lögreglu sem dró fólk af stað. Félagasamtök segja að hátt á fjórða tug mótmælanda hafi látist vegna aðgerða lögreglu.
Kjarninn 9. maí 2021
Odd Emil Ingebrigtsen, sjávarútvegsráðherra Noregs.
Norski sjávarútvegsráðherrann segir að Samherji sé með „laskað mannorð“
Sjávarútvegsráðherra Noregs segist gruna að Samherji sé að reyna að komast í kringum reglur um eignarhald erlendra aðila á norskum fiskveiðikvóta og hefur gripið til aðgerða. Hann felur ekki neikvæðni sína í garð Samherja.
Kjarninn 9. maí 2021
Jón Gnarr
Af þrælmennum
Kjarninn 9. maí 2021
Borgarstjórar skyldaðir til handabanda
Umræður um handabönd hafa, og það ekki í fyrsta sinn, ratað inn í danska þingið. Þingmenn vilja skylda borgarstjóra landsins til að taka í höndina á nýjum ríkisborgurum, en handabandið er skilyrði ríkisborgararéttar.
Kjarninn 9. maí 2021
Ari
„Vægi loftslagsmálanna minnkar ekki þessa dagana“
Þingmaður VG segir að ef Íslendingar standi við það sem þeir hafa samþykkt af áætlunum um loftslagsmál og geri aðeins betur hafi þeir að minnsta kosti staðið við sinn skerf í málaflokknum.
Kjarninn 8. maí 2021
Brynjar Níelsson, þingmaður Sjálfstæðisflokksins.
Býður sig fram í 2. sæti – stefnir á að verða í framvarðasveit flokksins í Reykjavík
Brynjar Níelsson ætlar að bjóða fram krafta sína fyrir Sjálfstæðisflokkinn fyrir næstu kosningar en hann hefur verið á þingi síðan 2013.
Kjarninn 8. maí 2021
Nichole Leigh Mosty
Ég vil tala um innflytjendur
Leslistinn 8. maí 2021
Meira úr sama flokkiInnlent