Félags­dómur hefur úrskurðað örverk­föll Efl­ingar ólög­leg. Efl­ing stétt­ar­fé­lag segir í yfir­lýs­ingu að nið­ur­staðan sé von­brigði, en verk­föllin áttu að hefj­ast 18. mars.

„Það er mið­ur­ að félags­menn okkar fái ekki að nýta verk­falls­rétt­inn til fulls. Þessar aðgerðir eru hóf­samar og byggja á stig­mögnun frekar en að til fullra áhrifa komi strax,“ segir Viðar Þor­steins­son, fram­kvæmda­stjóri Efl­ing­ar, í til­kynn­ingu. „En við hlítum að sjálf­sögðu þessum dómi og lærum af hon­um.“

Sól­veig Anna Jóns­dótt­ir, for­maður Efl­ing­ar, segir að Efl­ing sé ekki að boki dottin þrátt fyrir nið­ur­stöð­una, en félags­menn Efl­ingar eru um 27 þús­und tals­ins, sam­kvæmt upp­lýs­ingum á vef félags­ins. „Við erum hvergi af baki dottin og höldum ótrauð áfram með hefð­bundin verk­föll sem boðuð hafa verið og hefj­ast næst­kom­andi föstu­dag,“ segir Sól­veig Anna.

Í boð­uð­u­m að­gerð­u­m stóð til að starfs­menn mynd­u ­leggja niður venju­bundna vinnu sína að ein­hverju leyt­i eins og ítar­lega var út­fært í verk­fallas­boð­un­um og til­kynnt ­um. „Sam­eig­in­legt mark­mið aðgerð­anna er að knýja á um gerð nýrra kjara­samn­inga við stefn­anda,“ segir í til­kynn­ingu frá Efl­ing­u.