Skipasmíðastöð gerir kröfu um viðbótargreiðslu fyrir Nýja Herjólf

Crist S.A. í Póllandi gerir viðbótarkröfu sem hljóðar upp á um 8,9 milljónir evra eða ríflega 1,2 milljarða króna. Vegagerðin hafnar kröfunni og er nú í þreifingum við skipasmíðastöðina til að gera grein fyrir þeirra afstöðu.

Nýi Herjólfur
Nýi Herjólfur
Auglýsing

Skipasmíðastöðin Crist S.A. í Póllandi sem smíðar nýjan Herjólf hefur skyndilega á lokametrum verksins krafist viðbótargreiðslu sem nemur nærri þriðjungi af heildarverði skipsins. Þetta kemur fram í tilkynningu frá Vegagerðinni sem send var til fjölmiðla í dag.

Vegagerðin hefur hafnað þessari kröfu og bíða nú eftir viðbrögðum frá skipasmíðastöðinni. Samkvæmt Vegagerðinni er engin stoð í samningi aðila fyrir þessari kröfu skipasmíðastöðvarinnar.

Upplýsingafulltrúi Vegagerðarinnar segir í samtali við Kjarnann að þau séu nú í þreifingum við skipasmíðastöðina til þess að gera betur grein fyrir þeirra afstöðu. Hann segist reikna með að áfram verði unnið að samningum milli Vegagerðarinnar og skipasmíðastöðvarinnar.

Auglýsing

Miklar tafir á verkinu

Samningur aðila kvað á um smíðaverð upp á 26.250.000 evrur. Síðan hefur verið samið um fjölda aukaverka, þar á meðal fulla rafvæðingu Herjólfs, alls upp á 3.492.257 evrur. Í tilkynningunni frá Vegagerðinni kemur fram að skriflegir samningar séu til um öll þessi aukaverk. 

Tafir hafa orðið miklar þrátt fyrir að í samningum um aukaverk hafi verið samið um lengdan verktíma. Tafabætur nema núna ríflega einni og hálfri milljón evra, samkvæmt útreikningum Vegagerðarinnar.

Samningsupphæðin ásamt samningum um aukaverk, ef horft er framhjá tafabótum, gera lokaverð upp á rétt ríflega 29,7 milljónir evra eða um 4 milljarða króna á genginu í dag.

Krafan um viðbótargreiðslu ríflega 1,2 milljarðar króna

Skipasmíðastöðin gerir nú hins vegar kröfu upp á heildarverð sem nemur 38.430.000 evrum eða ríflega 5,2 milljörðum króna. Krafan um viðbótargreiðslu, sem ekki hefur verið nefnd fyrr en nú, hljóðar upp á um 8,9 milljónir evra eða ríflega 1,2 milljarða króna á gengi dagsins.

Upplýsingafulltrúi Vegagerðarinnar segir í samtali við Kjarnann að það hafi komið mikið á óvart að á lokastigum væri gerð þessi krafa um upphæð sem nemur um þriðjungi heildarverðsins. Í tilkynningunni kemur fram að þetta hafi sérstaklega komið á óvart þar sem smíðasamningurinn sé alveg skýr í þessum efnum og á fundum með skipasmíðastöðinni hafi þetta aldrei verið nefnt.

Skipasmíðastöðin ber fyrir sig að hönnun skipsins hafi breyst sem feli í sér aukinn kostnað. Í tilkynningu Vegagerðarinnar kemur fram að líkt og venjan sé þegar samið er við skipasmíðastöð um smíði skips sem hefur verið forhannað þá hafi Crist S.A. tekið yfir fulla og ótakmarkaða ábyrgð á hönnun skipsins þegar samið var um smíðina. 

Skipið lengt

Skipið var lengt um 1,8 metra eftir að skipasmíðastöðin komst að því að skipið myndi verða þyngra en þeir höfðu áætlað og þeir gætu ekki staðið við ákvæði samningsins varðandi djúpristu og burðargetu. Crist S.A. gerði tillögu að lengingu skipsins til þess að geta staðið við samninginn og var fallist á það.

Samtímis var í samráði við Vegagerðina ákveðið að breyta stefni skipsins til að minnka mótstöðuna til að vega upp á móti aukinni mótstöðu við lenginguna og aukna djúpristu.

Viðaukasamningur var gerður um lenginguna þann 7. september árið 2017. Þá var ákvæðum samningsins sem lúta að stærð og djúpristu breytt og jafnframt var afhendingartími skipsins lengdur frá 20. júní 2018 til 1. ágúst sama ár. Öll önnur ákvæði samningsins voru óbreytt þar á meðal verð en farið var eftir ákvæðum samningsins um ábyrgð Crist S.A. á hönnun skipsins, segir í tilkynnningu Vegagerðarinnar. 

Crist S.A. gerði hvergi í viðræðum kröfu um aukaverð

Samkvæmt Vegagerðinni gerði Crist S.A. hvergi í viðræðum við stöðina, fundargerðum, bréfum eða öðrum gögnum kröfu um aukaverð vegna þessara breytinga eða annarra fyrr en með bréfi þann 25. febrúar á þessu ári. 

„Það er því á engan hátt mögulegt fyrir Vegagerðina að ganga að kröfu skipasmíðastöðvarinnar um viðbótargreiðslu sem nemur stórum hluta af heildarverðinu, sem stenst á engan hátt samninga aðila um smíði ferjunnar og sem hefur ekki verið nefnt fyrr en fyrir um mánuði síðan,“ segir í tilkynningunni. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra var bólusett í Laugardalshöllinni í gær. Bólusetningar ganga nú mjög hratt fyrir sig á Íslandi og samhliða dregur úr takmörkunum.
Fjöldatakmarkanir hækkaðar í 50 manns frá og með næsta mánudegi
Opnunartími veitingastaða verður lengdur um klukkustund, leyfilegur fjöldi í verslunum tvöfaldast, fleiri mega vera í sundi og fara í ræktina. Grímuskylda verður hins vegar óbreytt.
Kjarninn 7. maí 2021
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Páll Magnússon er formaður allsherjar- og menntamálanefndar.
Nefnd búin að afgreiða fjölmiðlastyrki og umsóknarfrestur verður til loka maímánaðar
Meirihluti allsherjar- og menntamálanefndar hefur skilað áliti um stuðningskerfi til fjölmiðla. Þar er lagt til að þrengja skilyrði fyrir stuðningi úr ríkissjóði og gildistími laganna er færður í eitt ár.
Kjarninn 7. maí 2021
Rósa Guðbjartsdóttir, bæjarstjóri Hafnarfjarðar, og verk Libiu og Ólafs áður en það var tekið niður af gafli Hafnarborgar.
Bæjarstjóri hafnar því að hafa gerst sek um ritskoðun þegar listaverk var fjarlægt
Fulltrúar minnihlutans í Hafnarfirðii segja fjarlægingu listaverks Libiu Castro og Ólafs Ólafssonar af gafli Hafnarborgar síðastliðinn sunnudag „alvarlega aðför að tjáningarfrelsi“ og vilja að bæjaryfirvöld biðji tvíeykið afsökunar.
Kjarninn 7. maí 2021
Svæðið fyrir og eftir að Rio Tinto hafði farið yfir það með stórvirkum vinnuvélum.
Hluthafar Rio Tinto hafna starfskjarastefnu sem ofurlaun forstjórans fyrrverandi byggðu á
Fyrstu viðbrögð Rio Tinto og forstjóra þess, þegar upp komst að fyrirtækið hefði eyðilagt 46 þúsund ára gamla steinhella, voru að segjast ekki hafa vitað að þeir væru heilagir í hugum frumbyggjanna. Þessar afsakanir voru hluthöfum ekki að skapi.
Kjarninn 6. maí 2021
Bjarni Benediktsson, fjármála- og efnahagsmálaráðherra.
Telur ásakanir um meint brot Samherja ekki hafa skaðað orðspor íslenskra fyrirtækja
Fjármála- og efnahagsráðherra segist aldrei hafa fengið símtal, ábendingu eða umkvörtun frá nokkrum einasta aðila sem heldur því fram að ásakanir um lögbrot Samherja séu að valda einhverjum verulegum vandræðum fyrir íslenskan útflutning.
Kjarninn 6. maí 2021
Lilja Björk Einarsdóttir, bankastjóri Landsbankans.
Landsbankinn hagnaðist um 7,6 milljarða króna á þremur mánuðum
Hlutdeild Landsbanka Íslands á íbúðalánamarkaði hefur stóraukist milli ára og er nú 26,8 prósent. Hún hefur aldrei verið hærri. Eigið fé bankans er nú 261,4 milljarðar króna.
Kjarninn 6. maí 2021
Meira úr sama flokkiInnlent