Stétt­ar­fé­lagið Efl­ing for­­dæm­ir harð­lega þá ákvörð­un Icelanda­ir hot­els að draga laun af starfs­­mönn­um vegna verk­­falla sem þeir tóku ekki þátt í. Í til­kynn­ingu frá stétt­ar­fé­lag­inu er skorað á hót­el­keðj­una að leið­rétta mis­tökin taf­ar­laust. Efl­ing gerir þá kröfu að Icelanda­ir hot­els bæti starfs­mönn­unum upp launa­miss­inn ásamt drátt­ar­vöxtum og veita þeim jafn­fram­t af­sök­un­ar­beiðni. Verði hót­el­keðjan ekki við þeirri kröfu þá fari stétt­ar­fé­lagið með málið fyrir dóm. 

Drógu laun af starfs­fólki óháð því hvort að starfs­maður hafi verið á vakt 

Icelanda­ir hot­els drógu tveggja daga laun af öllum starfs­mönnum hót­el­anna sem vinna störf sem féllu und­ir­ verk­falls­að­gerð­ir ­stétt­ar­fé­lag­anna VR­ og Efl­ingar dag­ana  8. mars og 22. mars, óháð því hvort þeir voru á vakt þá daga eða ekki. 

Magnea Þórey Hjálm­ars­dótt­ir, fram­kvæmda­stjóri Icelanda­ir hot­els, sagði í skrif­legu svari til Frétta­stofu RÚV að stétt­ar­fé­lögin hefðu stað­fest að félags­menn þeirra sem voru í verk­falli gætu sótt launa­greiðslur fyrir sömu daga í verk­falls­sjóð félag­anna. Hún sagði að dregið hafi verið af launum í sam­ræmi við kjör hvers og eins og að fyr­ir­tækið telji þennan frá­drátt­inn lögum sam­kvæmt. 

Skýr­ingar hót­els­ins stand­ast enga skoð­un 

Í til­kynn­ing­unni frá Efl­ingu segir að stétt­ar­fé­lagið hafni alfarið til­raunum hót­el­keðj­unnar til að skjóta sér undan ábyrgð á mál­in­u. „­Full­trúi keðj­unnar hefur hermt upp á starfs­menn að þeir hafi sagst eiga rétt á greiðslum úr vinnu­deilu­sjóði þótt þeir hafi ekki verið við störf. Slíkt á sér enga stoð í veru­leik­an­um. Efl­ing gaf út ítar­legar skrif­legar leið­bein­ingar um rétt á greiðslum úr vinnu­deilu­sjóðum og þar kemur slíkt hvergi fram. Skýr­ingar hót­els­ins stand­ast því enga skoðun og eru yfir­klór,“ segir í til­kynn­ing­unn­i. 

Efl­ing mun því gera kröfu á Icelanda­ir Hot­els að greiða starfs­mönn­unum sem ekki voru á vakt laun og ef ekki verður orðið við henni þá verði farið með málið fyrir dóm. 

„Það er verið að hafa laun upp á 12 til 25 þús­und krónur af fólki sem er á lægstu laun­un­um. Það er hreint með ólík­indum að hót­el­keðjan skuli grípa til þess­ara ráð­staf­ana og við munum bregð­ast við af fullri hörku, “ er haft eft­ir Við­ari Þor­steins­syni, fram­kvæmda­stjóra Efl­ingar í til­kynn­ing­unni.