Joe Biden hefur form­lega sett af stað kosn­inga­bar­áttu sína fyrir for­setaskosn­ing­arnar í nóv­em­ber á næsta ári. 

Kosn­inga­stjóri hans verður Symone Sand­ers, fyrr­ver­andi fjöl­miðla­full­trúi í kosn­inga­bar­áttu Bernie Sand­ers, árið 2016. 

Sam­kvæmt skrifum Axios, sem skrifar mikið um banda­rísk stjórn­mál og það sem er í gangi bak við tjöld­in, þá ætlar Biden sér leita í stefnu­mál Baracks Obama í bar­áttu sinni, en hann var vara­for­seti í tíð hans.

Biden sagði í ávarpi sem hann hélt, þegar hann lýsti því yfir að hann ætl­aði sér að bjóða sig fram til for­seta, að tími væri kom­inn til þess að vera með sið­ferð­is­þrekið í lagi Hvíta hús­inu, og skaut þar á Banda­ríkja­for­seta, Don­ald Trump, sem hefur átt í vök að verj­ast í þing­inu að und­an­förnu, meðal ann­ars vegna beiðna um að hann leggja spilin á borðið hvað skatta­mál hans varðar og fjár­mál yfir­leitt. 

Biden virð­ist ætla að reyna að ná til fólks­ins sem Sand­ers var dug­legur að ná til í sinni kröft­ugu bar­áttu árið 2016. 

Svo fór að lokum að Hill­ary Clinton hafði betur gegn hon­um, þegar kom að útnefn­ingu Demókrata á for­seta­fram­bjóð­anda, en Sand­ers er ekki að baki dott­inn núna, og virð­ist stað­ráð­inn í að læra af því sem aflaga fór síð­ast. 

Biden er 76 ára gam­all, fæddur 20. nóv­em­ber 1942, og verður því tæp­lega 78 ára gam­all þegar kosið verður á næsta ári. 

Hann hefur ára­tuga reynslu af póli­tísku starfi innan Demókra­ta­flokks­ins, og hefur á sér orð sem góður samn­inga­mað­ur.