Eim­skip hefur til­kynnt um skipu­lags­breyt­ingar hjá félag­inu sem taka gildi 2. maí næst­kom­andi. Þær snúa að því að sam­þætta hluta af stoð­ein­ingum Eim­skips í mið­lægar ein­ingar og skerpa á áherslum í þjón­ustu við við­skipta­vini.

Alls mun fækka um 15 stöðu­gildi hjá Eim­skip og dótt­ur­fé­lag­inu TVG-Zim­sen við þessar breyt­ing­ar.

Í til­kynn­ingu vegna þessa segir að sem dæmi um þær aðgerðir sem verið sé að ráð­ast í muni þrjár mis­mun­andi akst­urs­stýr­ing­ar­deildir sam­ein­ast í eina ein­ingu.

Þar segir enn fremur að tals­verðar breyt­ingar verði hjá TVG-Zim­sen þar sem hluti stoð­ein­inga þess dótt­ur­fé­lags Eim­skips muni sam­ein­ast sam­bæri­legum ein­ingum hjá móð­ur­fé­lag­inu. Þá mun TVG-Zim­sen flytja starf­semi sína yfir í Vöru­hótel Eim­skips síðar í sumar en verður eftir sem áður rekið sem sjálf­stætt dótt­ur­fyr­ir­tæki Eim­skips.

Í til­kynn­ing­unni segir að ,mark­mið breyt­ing­anna sé „að ná fram hag­ræð­ingu í rekstri, auka arð­semi og styrkja stoðir félags­ins enn frekar til fram­tíð­ar.“

Tölu­verðar svipt­ingar hafa verið hjá Eim­skip síð­ustu miss­er­i. ­Sam­herji keypti um fjórð­ungs­hlut í Eim­­­skip í fyrra­­­sumar og í sept­­­em­ber 2018 og á nú 27,1 pró­sent hlut sem gerir sjáv­ar­út­vegs­ris­ann að stærsta ein­staka hlut­hafa Eim­skips. Bald­vin Þor­steins­son, fram­­­kvæmda­­­stjóri við­­­skipta­­­þró­unar hjá Sam­herja og sonur Þor­­­steins Más Bald­vins­­­son­­­ar, for­­­stjóra og eins eig­anda Sam­herja, tók skömmu síðar við sem stjórn­ar­for­mað­ur. 

Í nóv­em­ber 2018 var til­kynnt um að Gylfi Sig­fús­son myndi láta af störfum sem for­stjóri félags­ins og í j­an­úar síð­­­ast­liðnum var Vil­helm Már Þor­­­­steins­­­­son, frændi stjórn­­­­­­­ar­­­­for­­­­manns­ins og eig­enda Sam­herja, ráð­inn í starf for­­­­stjóra Eim­­­­skips. Hann hafði starfað hjá Íslands­­­banka í tutt­ugu ár og síð­­­ast verið fram­­kvæmda­­stjóri fyr­ir­tækja og fjár­­­fest­inga­sviðs bank­ans.

Tveimur dögum síðar var send út til­­kynn­ing um umfangs­­miklar skipu­lags­breyt­ingar hjá Eim­­skip. Á sama tíma var greint frá því að laun nýs for­­stjóra félags­­ins myndu „taka mið af þeirri áherslu stjórnar að lækka þurfi kostnað félags­­ins“. Gylfi Sig­­fús­­son var með 5,6 millj­­ónir króna í laun á mán­uði á árinu 2017.

Afkoma Eim­­skips var undir vænt­ingum í fyrra. Hagn­aður félags­­ins var rétt rúmur millj­­arður króna, en hafði verið um 2,3 millj­­arðar króna á árinu 2017. Þótt tekjur Eim­­skips hefðu auk­ist þá minn­k­aði fram­­legð, kostn­aður jókst og afskrftir drógu afkomu árs­ins nið­­ur.