„Nú á sér stað mesta upp­bygg­ing­ar­skeið í sögu borg­ar­inn­ar. Fjár­fest­ing í mið­borg­inni hefur numið um 150 millj­örðum á und­an­förnum árum sem er mjög var­lega áætl­að.“

Þetta segir Dagur B. Egg­erts­son, borg­ar­stjóri, í frétta­bréfi sínu í dag. Í morgun fór fram fundur um upp­bygg­ingu atvinnu­hús­næðis í borg­inni, og segir Dagur að hans skila­boð inn á fund­inn hafi verið þau, að nú sé góður tími til að fjár­festa - þegar borgin er að fara inn í mesta upp­bygg­ing­ar­tíma­bilið í sög­unn­i. 

„Reykja­vík­ur­borg (borg­ar­sjóður og fyr­ir­tæk­in) mun á næstu árum fjár­festa fyrir um 196 millj­arða króna í Reykja­vík í heild sinni. Við erum að sjá fjöl­breytta upp­bygg­ingu atvinnu­hús­næðis um alla borg, allt frá Úlf­arsár­dal, Gufu­nesi, Graf­ar­vogi, Árbæ og vestur eftir borg­inni. Mér finnst sér­stak­lega mikið fagn­að­ar­efni að stærsta frum­kvöðla­setur lands­ins, Gróska, sé nú að rísa í Vatns­mýr­inni þar sem CCP reisir nú höf­uð­stöðvar sín­ar. Nú þegar teikn eru á lofti í efna­hags­líf­inu er mik­il­vægt að greina tæki­færin til að ráð­ast í fjár­fest­ingar sem eru skyn­sam­legar til lengri tíma lit­ið. Reykja­vík­ur­borg mun ekki láta sitt eftir liggja,“ segir í frétta­bréf­in­u. 

Ráð­gert er að um 5 þús­und nýjar íbúðir komi út á markað á höf­uð­borg­ar­svæð­inu, á næstu tveimur árum, einkum litlar og með­al­stór­ar, sem mesta eft­ir­spurn er eft­ir. 

Tölu­vert kólnun hefur verið á fast­eigna­mark­aði að und­an­förnu, frá því að upp­sveifla á mark­aðnum náði hámarki á vor­ma´n­uðum 2017, en þá mæld­ist árs­hækkun fast­eigna­verðs á höf­uð­borg­ar­svæð­inu 23,5 pró­sent. Nú mælist hækk­un­in, að teknu til­lit til verð­lags­þró­un­ar, 1 til 2 pró­sent.