Jón Ásgeir Jóhann­es­son, fyrr­ver­andi for­stjóri og stjórn­ar­for­maður Baugs, sem nú er í gjald­þrota­með­ferð, er á meðal þeirra sem til­nefn­ing­ar­nefnd leggur til að verði meðal stjórn­ar­manna í Skelj­ung­i. 

Þetta kemur fram í til­kynn­ingu til kaup­hallar.

Loka­til­laga til­nefn­ing­ar­nefndar Skelj­ungs til­ hlut­hafa­fund­ar, sem hald­inn verður þann 27. maí 2019, er að eft­ir­far­andi verði skip­aðir í stjórn félags­ins.

1. Ata Maria Bærent­sen
2. Baldur Már Helga­son
3. Birna Ósk Ein­ars­dóttir
4. Jens Mein­hard Rasmus­sen
5. Jón Ásgeir Jóhann­es­son

Fram­boð til stjórnar Skelj­ungs þurfa að ber­ast fyrir kl. 16:00, mið­viku­dag­inn 22. maí 2019.

365 miðl­ar, félag Ingi­björgu Pálma­dótt­ur, eig­in­konu Jóns Ásgeirs, er meðal stærstu hlut­hafa Skelj­ungs, og fer með yfir­ráð yfir rúm­lega 10 pró­sent hlut, að því er segir í skýrslu til­nefn­ing­ar­nefnd­ar.

Í til­nefn­ing­ar­nefnd­inni eru Katrín S. Óla­dótt­ir, fram­kvæmda­stjóri Hag­vangs, Sig­urður Kári Árna­son, lög­fræð­ingur hjá Umboðs­manni Alþingis og Kjartan Örn Sig­urðs­son, stjórn­ar­maður í stjórn Skelj­ungs. Sig­urður Kári var á öðrum fundi kjör­inn for­maður nefnd­ar­inn­ar. Ing­unn Agnes Kro, fram­kvæmda­stjóri sam­skipta­sviðs Skelj­ungs, var kjörin rit­ari nefnd­ar­inn­ar.

Í umsögn nefnd­ar­innar um Jón Ásgeir, segir að hann telj­ist hafa yfir­burða­þekk­ingu og reynslu. „Jón Ásgeir telst hafa yfir­burða­þekk­ingu á smá­sölu­rekstri, úrvinnslu og umbreyt­ingu fast­eigna. Jón Ásgeir hefur komið að marg­vís­legum rekstri, stórum sem smáum og þekkir vel til stjórn­ar­hátta fyr­ir­tækja. Jón Ásgeir hlaut menntun frá Verzl­un­ar­skóla Íslands í versl­un­ar­fræð­u­m,“ segir í umsögn­inni.

Skelj­ungur er orku­fyr­ir­tæki sem selur vörur og þjón­ustu á Íslandi, í Fær­eyjum og á Norð­ur­-Atl­ants­haf­in­u. 

Mark­aðsvirði félags­ins er rúm­lega 18 millj­arðar króna, en eigið fé félags­ins var í lok árs í fyrra um 9 millj­arðar króna.

Meg­in­starf­semi félags­ins er inn­flutn­ing­ur, birgða­hald, sala og dreif­ing á elds­neyti og elds­neytistengdum vör­u­m. 

Félagið starf­rækir 76 elds­neyt­is­stöðvar og 6 birgða­stöðvar á Íslandi og í Fær­eyj­u­m. 

Auk þess rekur selur félagið áburð og og efna­vörur á Íslandi og rekur versl­anir og þjón­ustar og selur olíu til hús­hit­unar í Fær­eyj­um. Við­skipta­vinir Skelj­ungs spanna frá ein­stak­lingum til fyr­ir­tækja, í sjáv­ar­út­vegi, land­bún­aði, flutn­ing­um, flugi og til verk­taka. 

Starf­semin er rekin undir merkj­unum Skelj­ung­ur, Orkan, OrkanX og Magn.