Liðs­­menn Hat­­­ara veif­uðu Palest­ín­u­­fán­um þeg­ar ­sjón­varps­vél­ar beindust að íslenska hópnum eftir að stig Íslands höfðu verið lesin upp í E­urovi­son-keppn­inni í gær­kvöld­i. ­Stuttu eftir að mynd­unum hafði verið sjón­varpað um alla Evr­ópu mættu örygg­is­verðir og heimt­uðu að Hat­ari afhenti borð­ana. Upp­á­tækið hefur vakið mikla athygli og hefur bæði verið for­dæmt og lof­að. 

Hat­ari hafi snert hjörtu allra Palest­ínu­manna

Miri Regev, menn­ing­ar­mála­ráð­herra í Ísra­el, sagði við fjöl­miðla í dag að hún teldi upp­á­tækið hafa verið mis­tök af hálfu Hat­ara og bætti við að póli­tík og menn­ingu ætti ekki að blanda sam­an. Sam­tök evr­ópskra sjón­varps­stöðva hafa jafn­framt for­dæmt upp­á­tæki Hat­ara og segja það brot á reglum keppn­inn­ar. 

Þá hafa tæp­lega 13.000 manns skrifað und­ir  áskorun um að Ísland verði úti­lokað frá þátt­töku í E­urovision á næsta ári. Und­ir­skrifta­söfn­un­in hófst skömmu eftir að keppn­in lauk. „Við und­ir­rituð krefj­umst þess að Íslandi verði meinað að taka þátt í E­urovision á næsta ári eftir að hafa sýnt Ísr­ael svo megna og opin­bera fyr­ir­litn­ing­u,“ segir í áskor­un­inni.

Mustafa Barg­houti, læknir og fyrr­ver­andi for­seta­fram­bjóð­andi í Palest­ínu, hafði hins vegar sam­band við liðs­menn Hat­ara í dag og þakk­aði þeim fyrir að hafa fyrir að hafa sýnt Palest­ín­u ­sam­stöð­u í E­urovi­son. Barg­hout­i hefur rekið hjálp­ar­sam­tök í Palest­ínu í ára­tugi og hefur meðal ann­ars ver­ið til­nefndur til frið­ar­verð­launa Nóbels. 

Í sam­tali við Stund­ina í dag seg­ir Barg­hout­i að hann telji að Hat­ari hafi snert hjörtu allra Palest­ínu­manna. „Ég þakk­aði þeim fyrir þrennt. Í fyrsta lagi fyrir að hafa dregið fram palest­ínska fán­ann. Eins og þú kannski veist er prinsippaf­staða okkar sú að tón­list­ar­fólk eigi að snið­ganga Evr­ópsku söngvakepp­ina. En við skiljum sjón­ar­mið Hat­ara um að ef þeir hefðu ekki snið­gengið keppn­ina hefði ein­fald­lega ein­hver annar flytj­andi tekið þátt fyrir hönd Íslands í stað­inn. Þeir gerðu það sem þeir lof­uðu, að draga fram fán­ann og þessi sam­stöðu­yf­ir­lýs­ing þeirra hefur vakið athygli um allan heim. Þetta gerðu þeir þótt þeir vissu að þeim gæti verið refsað fyrir það,“ sagð­i Barg­houtt­i í sam­tali við Stund­ina.

Gáfu lítið fyrir sam­stöðu­yf­ir­lýs­ingu Hat­ara 

Palest­ínsk sam­tökin PACBI sem beita sér fyr­ir­ snið­göng­u á Ísra­els­ríki gefa hins vegar lítið fyrir upp­á­tæki Hat­ara í gær. Í yfr­lýs­ing­unn­i frá sam­tök­unum segir að sam­tökin hafni upp­á­tæki Hat­ara en þau höfðu áður hvatt Hat­ara til að draga sig úr keppn­inni. Í færslu sam­tak­anna á Twitter frá því apríl seg­ir: „Pa­lest­ínu­menn hvetja alla kepp­endur í E­urovision til að draga sig úr keppn­inni í aðskiln­að­ar­borg­inni Tel A­viv, þetta á sér­stak­lega við um íslensku kepp­end­urna Hat­ara, sem hafa lýst yfir stuðn­ingi við rétt­indi Palest­ínu­manna.“

Í yfir­lýs­ing­unni segir að lista­menn sem rjúfi snið­göng­una og spili í Tel A­viv ­þrátt fyrir áskor­anir Palest­ínu­manna geti ekki bætt upp fyrir skað­ann sem bar­átta Palest­ínu­manna fyrir mann­rétt­indum verði fyr­ir. „Þó við kunnum að meta stuðn­ing, þá getum við ekki þegið hann þegar honum fylgir gjörn­ingur sem ber­sýni­lega grefur undan frið­samri mann­rétt­inda­bar­áttu okk­ar. Besta yfir­lýs­ingin um sam­stöðu er að hætta við að koma fram í aðskiln­að­ar­rík­inu Ísr­a­el.“

Sam­tök­in PACBI eru stofn­að­ilar að BDS-hreyf­ing­unni sem beitir sér fyrir marg­vís­legri snið­göng­u á Ísr­ael með það að mark­miði að binda enda á her­setu Ísra­el, koma á fullu jafn­rétti Palest­ínu­manna með ísra­elskan rík­is­borg­ara­rétt og rétti palest­ínskra flótta­manna til að snúa aftur til heim­kynna sinna. Sam­tökin segja Ísra­els­ríki reka aðskiln­að­ar­stefnu sem birt­ist meðal ann­ars í aðskiln­að­ar­múr­num á Vest­ur­bakk­an­um.