Mar­inó Örn Tryggva­son, sem verið hefur aðstoð­ar­for­stjóri Kviku banka frá árinu 2017, hefur tekið við sem for­stjóri bank­ans. Ármann Þor­valds­son, sem verið hefur for­stjóri Kviku banka frá því í maí 2017, hefur ákveðið að hætta í starf­inu.

Frá þessu er greint í til­kynn­ingu til Kaup­hallar Íslands en Kvika banki er annar af tveimur bönkum lands­ins sem skráðir eru á mark­að. Þar segir að Ármann muni áfram starfa hjá Kviku banka en í breyttu hlut­verki að eigin ósk. Héðan í frá muni starf hans ein­skorð­ast við upp­bygg­ingu við­skipta­tengsla, þróun við­skipta­tæki­færa og að styðja við áfram­hald­andi upp­bygg­ingu á starf­semi bank­ans í Bret­landi.

Ármann segir að for­stjóra­starfið feli í sér umtals­verð­ar­ ­stjórn­un­ar­legar skyldur sem hann hafi ekki áhuga á að sinna til lang­frama. „Hins vegar hef ég mik­inn áhuga á að starfa áfram með því frá­bæra fólki sem vinnur hjá Kviku og vil ein­beita mér að verk­efnum sem snúa að því að styrkja tengsl við við­skipta­vini og þróa við­skipta­tæki­færi. Upp­bygg­ingin á starf­semi bank­ans í Bret­landi hefur gengið mjög vel á und­an­förnum árum og ljóst að þar eru sókn­ar­tæki­færi til fram­tíðar fyrir Kviku. Með þess­ari breyt­ingu tel ég að hægt sé að nýta betur reynslu mína, þekk­ingu og tengsl í Bret­landi til þess að styðja við á­fram­hald­andi vöxt þar.“

Kristín Pét­urs­dótt­ir, stjórn­ar­for­maður Kviku, segir að Ármann hafi fyrir stuttu óskað eftir því að breyta starfs­skyldum sínum hjá Kviku og það hafi leitt til þess að hann og Mar­inó skiptu um hlut­verk. „Þeir hafa unnið vel saman og byggt upp, ásamt öðrum stjórn­endum og starfs­mönn­um, öfl­ugan banka. Ármann mun sinna dag­legum rekstri í minna mæli en Mar­inó hefur gert en þess í stað ein­beita sér að öflun við­skipta­tæki­færa. Ég vænti þess að breyt­ing­arnar leiði til enn auk­innar áherslu á tekju­öfl­un, auk þess sem reynsla og þekk­ing Mar­inós mun nýt­ast vel í áfram­hald­andi upp­bygg­ingu bank­ans.“

Upp­gjör umfram vænt­ingar

Kvika birti í dag afkomutil­kynn­ingu sína fyrir fyrsta árs­fjórð­ung þar sem fram kemur að bank­inn hagn­að­ist um 709 millj­ónir króna og hagn­aður fyrir skatta var 852 millj­ónir króna. Hreinar rekstr­ar­tekjur námu 2.289 millj­örðum króna.

Sú nið­ur­staða var umfram vænt­ing­ar. Arð­semi eig­in­fjár Kviku banka var 22,4 pró­sent sem er mun meiri arð­semi en stóru bank­arnir þrír eru að ná á sínu eigin fé. 

Heild­ar­eignir Kviku eru 115,1 millj­arðar króna. Eigið fé Kviku banka var 13,2 millj­arðar króna í lok mars síð­ast­lið­ins og eig­in­fjár­hlut­fallið 22,5 pró­sent. 

Alls eru 442 millj­arðar króna í stýr­ingu hjá Kviku banka og dótt­ur­fé­lögum hans og 133 starfs­menn starfa í fullu starfi hjá sam­stæð­unn­i.