Icelandair hefur gengið frá leigu á Air­bus þotu, segir í frétt Túrista.is, sér­hæfs frétta­vef um ferða­þjón­ustu og flug. 

Icelandair hefur til þessa notað Boeing vél­ar, en alþjóð­leg kyrr­setn­ing á 737 Max vél­um, í kjöl­far tveggja flug­slysa þar sem 346 létu líf­ið, hefur leitt til marg­vís­legra erf­ið­leika fyrir Icelanda­ir. 

Þrjár vélar hafa verið kyrr­settar og hefur félagið leigt vélar í stað­inn, en þurft að draga úr sæta­fram­boði og end­ur­skipu­leggja rekst­ur, meðal ann­ars með upp­sögnum og kostn­að­arað­haldi. Áætlun félags­ins gerði ráð fyrir 9 Max vélum í rekstri, en flota­mál félags­ins eru nú til end­ur­skoð­un­ar, af því er komið hefur fram í máli Boga Nils Boga­son­ar, for­stjóra. 

Sam­kvæmt til­kynn­ingum félags­ins til kaup­hall­ar, er reiknað með að Max vél­arnar verði kyrr­settar til 15. sept­em­ber, í það minnsta.

Rekstur Icelandair hefur verið þungur und­an­farin miss­eri en á síð­asta árs­fjórð­ungi árs­ins í fyrra og fyrsta árs­fjórð­ungi þessa árs, tap­aði félagið sam­tals 13,5 millj­örðum króna. 

Mark­aðsvirði félags­ins er nú rúm­lega 56 millj­arðar króna, og nam eigið fé félags­ins 425 millj­ónum Banda­ríkja­dala í lok mars, eða sem nemur um 52,7 millj­örðum króna.