Ágúst Ólafur Ágústs­son, þing­maður Sam­fylk­ing­ar­inn­ar, gagn­rýnir breyt­ing­ar­til­lögur rík­is­stjórn­ar­innar á fjár­mála­á­ætlun sinni til 2022 harð­lega, í færslu á Face­book síðu sinni. Hann segir að til­lög­urnar hafi verið ræddar á fundi fjár­laga­nefnd­ar.

Hann seg­ist hafa óskað eftir frek­ari skýr­ingum frá fjár­mála- og efna­hags­ráðu­neyt­inu, þar sem hann eigi „erfitt með að trúa“ ýmsu sem komi fram í til­lög­un­um. 

Á Face­book síð­unni birtir hann lista yfir 12 atriði, þar sem hann segir að nið­ur­skurð­ar­hníf­ur­inn höggvi í. Til­lög­urnar taka mið af gjör­breyttum efna­hags­legum veru­leika, en útlit er fyrir sam­drátt á þessu ári upp á 0,4 pró­sent, gangi spá Seðla­banka Íslands eft­ir, en í fyrra var hag­vöxt­ur­inn 4,6 pró­sent. 

„1. Fjár­fram­lög til öryrkja næstu 5 árin eiga að lækka sam­an­lagt um tæpa 8 millj­arða frá því sem hafði þegar verið kynnt þegar fjár­mála­á­ætl­unin var fyrst lögð fram fyrir rúmum 2 mán­uð­um. Þetta hlýtur að telj­ast vera ansi stór póli­tísk tíð­indi.

2. Nýsköpun og rann­sóknir fá tæpa 3 millj­arða kr. lækkun sam­an­lagt næstu 5 árin frá því sem eldri til­laga að fjár­mála­á­ætlun hafði gert ráð fyr­ir.

3. Umhverf­is­málin lækka um 1,4 millj­arð kr. sam­an­lagt næstu 5 árin frá því sem hafði verið til­kynnt í fjár­mála­á­ætl­un­inni. Og kemur þetta veru­lega óvart í ljósi mik­il­vægi mála­flokks­ins og orða ráða­manna um þessi mál að und­an­förnu.

4. Fram­halds­skólar fá 1,8 millj­arð kr. lægri upp­hæð sam­an­lagt næstu fimm árin miðað við fram­lagða fjár­mála­á­ætlun og minnka heild­ar­fram­lög til þeirra örlítið næstu fimm árin þrátt fyrir lof­orð um að „stytt­ing­ar­pen­ing­arn­ir“ ættu að hald­ast og allt tal um „mennta­sókn“.

5. Þá átti háskóla­stigið án LÍN í upp­runa­legri fjár­mála­á­ætlun frá því í mars sl. að fá svip­aða upp­hæð árið 2019 og árið 2024 og er það þvert á tal ráð­herrana um stór­sókn hér og skýrt lof­orð í stjórn­ar­sátt­mála um mikla aukn­ingu til háskól­ana.

6. Menn­ing og æsku­lýðs­mál fá 8,6% lækkun á heild­ar­fram­lögum frá 2019 og til 2024.

7. Sjúkra­hús­þjón­usta fær um 4,7 millj­arða kr. lækkun sam­an­lagt næstu 5 árin í breyt­ing­ar­til­lög­unum frá því sem hafði verið lagt fram í áætl­un­inni. Heil­brigð­is­málin voru MÁLIÐ í síð­ustu kosn­ingum og kemur þetta mjög á óvart.

8. Heilsu­gæsla og sér­fræði­þjón­ustan fær um 2 millj­arð kr. lækkun næstu 5 árin frá eldri til­lögu fjár­mála­á­ætl­un­ar. 

9. Hjúkr­un­ar­heim­ilin fá 3,3% lækkun á fjár­fram­lögum sínum næstu 5 árin þrátt fyrir aukna öldrun þjóð­ar­innar og allt tal um sókn í þeim mál­u­m. 

10. Lög­gæslan fær 1 millj­arð kr. lækkun í breyt­ing­ar­til­lögum rík­is­stjórn­ar­innar og sé litið til heild­ar­út­gjalda til þessa mál­efna­sviðs þá lækka þau um 8,6% næstu 5 árin.

11. Sam­göngu­mál fá í breyt­ing­ar­til­lög­unum 2,8 millj­arð kr. lækkun sam­an­lagt næstu fimm árin frá því sem áætl­unin gerði fyrst ráð fyr­ir. Og sé litið til heild­ar­út­gjalda til sam­göngu­mála þá lækka þau um 17% næstu fimm árin.

12. Þró­un­ar­sam­vinna lækkar (sem var nú ekki beysin fyr­ir) í með­förum rík­is­stjórn­ar­innar frá því sem til­kynnt hafði verið fyrir rúmum 2 mán­uðum og nemur lækk­unin um 1,8 millj­arð kr. sam­an­lagt næstu fimm árin.“