Sig­urður Ingi Jóhanns­son, for­maður Fram­sókn­ar­flokks­ins, sagði í ræðu sinni í mið­stjórn­ar­fundi hjá Fram­sókn­ar­flokknum í dag, að skil­boðin til klofn­ings­brots úr Fram­sókn­ar­flokknum - og átti þar við Mið­flokk­inn - vegna atburða í stjórn­mál­unum und­an­farin miss­eri, væru þau að því væri ekki boðið til sam­starfs í stjórn­mál­un­um. 

„Við fórum fram sem sátta­afl en ekki sundr­ung­arafl,“ sagði Sig­urður Ingi, þegar hann fjall­aði um þátt­töku Fram­sóknar í rík­is­stjórn­ar­sam­starf­inu með Vinstri grænum og Sjálf­stæð­is­flokkn­um.

„Ég minnt­ist áðan á að fyrir síð­ustu kosn­ingar vorum við flokkur í sár­um. Það reyndi á okk­ur, bæði sem flokk og okkur per­sónu­lega. Við fórum samt inn í kosn­inga­bar­átt­una sem sam­einað afl og stóðum styrkum fótum á hug­sjónum Fram­sóknar og sögu. Við fórum fram sem sátta­afl en ekki sundr­ung­ar­afl. Við erum sam­vinnu­flokkur og fram­sókn­ar­fólk er sam­vinnu­fólk. Því er ekki að leyna að hart hefur verið sótt að okkur af því klofn­ings­broti sem átti ekki lengur sam­leið með okk­ur. Við höfum líka séð glöggt hvers vegna þetta brot átti ekki sam­leið með Fram­sókn. Fram­sókn, flokk­ur­inn okk­ar, sem er okkur svo afar kær er hóf­samur og ábyrg­ur. Við berum virð­ingu hvert fyrir öðru og fyrir öðr­um.Þess vegna vildu 74% aðspurðra sjá Fram­sókn í rík­is­stjórn eftir síð­ustu kosn­ing­ar. Af því fólk treystir okk­ur. Og traust er dýr­mætasta eign stjórn­mála­flokks. Þetta flokks­brot hefur lagt mikið á sig til að kom­ast á dag­skrá þessa fundar með for­dæma­lausu og inni­halds­lausu mál­þófi á Alþingi. Við þetta brot segi ég eins og sagt er í frægu lagi: - Þér er ekki boð­ið,“ sagði Sig­urður Ingi meðal ann­ars.

Hann lagði áherslu á það í ræð­unni, að Fram­sókn­ar­flokk­ur­inn væri flokk­ur­inn sem gæti brúað bil­ið, og ýtt undir fram­farir með því að sækja fram eftir miðj­unn­i. 

„Það eru mörg sókn­ar­færi í íslensku atvinnu­lífi. Hvort sem það eru okkar hefð­bundnu öfl­ugu greinar eins og sjáv­ar­út­veg­ur, land­bún­aður og ferða­þjón­usta. Þar á grunni sjálf­bærar nýt­ingar eru tæki­færi grund­völluð á gæðum vör­unnar og ímynd íslenskrar nátt­úru. En það eru ekki síður tæki­færi í nýjum greinum sem byggja á hug­viti manns­ins. Mennt­un, þekk­ing , nýsköpun og frum­kvæði verða lykil hug­tök í því umbreyt­inga­skeiði sem framundan er vegna tækni­þró­unn­ar. Þar ætlum við að verða fremst meðal jafn­ingja,“ sagði Sig­urður Ing­i.