Sex þing­menn nýttu fund­ar­stjórn á Alþingi í dag til þess að gagn­rýna seina­gang svara frá ráð­herrum rík­is­stjórn­ar­inn­ar. Þing­menn­irnir eru þing­menn Mið­flokks­ins, Sam­fylk­ing­ar­inn­ar, Pírata, auk Vinstri grænna.

Oddný G. Harð­ar­dótt­ir, þing­maður Sam­fylk­ing­ar­inn­ar, sagði með ólík­indum hversu langan tíma ráð­herrar taki til að svara fyr­ir­spurnum þing­manna. Oddný bíður svara fjár­mála- og efna­hags­ráð­herra við fyr­ir­spurn sem hún lagði fram 29. jan­ú­ar, auk ann­arar fyr­ir­spurnar frá því í byrjun apr­íl. „Það er ekki hægt, herra for­seti, að sætta sig við þennan seina­gang og ég vil biðja for­seta að grennsl­ast líka fyrir um þessar fyr­ir­spurn­ir.“

Þor­steinn Sæmunds­son, þing­maður Mið­flokks­ins, bað um að fyr­ir­spurnum sínum yrði svarað áður en þingi lyki, en hann bíður enn svara tveggja fyr­ir­spurna.

Kol­beinn Ótt­ars­son Proppé, þing­maður Vinstri grænna, sagði: „Ég kem bara hér upp svo það komi ekki út eins og ein­hver gagn­rýni stjórn­ar­and­stöð­unnar ein­göngu því þetta er sam­eig­in­legt hags­muna­mál þings­ins alls.“ Hann sagði enn fremur að það væri „ótækt að fram­kvæmd­ar­valdið og ein­staka ráð­herr­ar, sama hvar í flokki þeir eru, sinni ekki sinni lög­bundnu skyldu að svara þing­inu innan þess frests sem þeim er gef­inn [...] Þegar þingið spyr, þá eiga ráð­herrar að svara.“

Helga Vala Helga­dótt­ir, þing­maður Sam­fylk­ing­ar­inn­ar, tók undir mál fyrri þing­manna. Hún lagði fyr­ir­spurn til dóms­mála­ráð­herra í mars síð­ast­liðnum um stöðu Lands­rétt­ar, en hefur enn ekki fengið svör.

Ágúst Ólafur Ágústs­son, þing­maður Sam­fylk­ing­ar­inn­ar, ýtti á eftir skýrslu úr for­sæt­is­ráðu­neyt­inu sem sam­þykkt var fyrir 20 vikum en frest­ur­inn er 10 vik­ur. ­Björn Leví Gunn­ars­son, þing­maður Pírata, sagði með­al­svar fyr­ir­spurna vera 35 dag­ar, ekki 15 líkt og reglur segja til um.