Arion banki hefur eign­ast allt hlutafé í Tra­velCo hf. og hyggst finna félag­inu nýja fram­tíð­ar­eig­endur svo fljótt sem auðið er. 

Þetta kemur fram í til­kynn­ingu frá Arion banka.

Tra­velCo hf var stofnað í kjöl­far falls Pri­mera Air og rekur ferða­skrif­stofur á Íslandi, í Dan­mörku, Sví­þjóð, Nor­egi og Finn­land­i. 

„Að­eins er um að ræða breyt­ingu á eign­ar­haldi en dag­leg starf­semi og þjón­usta ferða­skrif­stof­anna helst óbreytt. Mark­mið Arion banka er að tryggja áfram­hald­andi starf­semi ferða­skrif­stof­anna og hags­muni bank­ans,“ segir í til­kynn­ingu Arion banka.

Starf­semi Tra­velCo á Íslandi hefur farið fram undir merkjum ferða­skrif­stof­anna Heims­ferða og Terra Nova og gengur starf­semi þeirra vel, sam­kvæmt því sem segir í til­kynn­ingu Arion banka. 

Stofn­andi Tra­velCo var Andri M. Ing­ólfs­son, en eins og kunn­ugt er féll ferða­þjón­ustu­veldi hans, kennt við Pri­mer­a,  og hefur síðan verið unnið að því að tryggja starf­semi þessa hluta rekstr­ar­ins sem tal­inn er eiga sér fram­tíð­ar­mögu­leika.

Í til­kynn­ingu þakkar Andri starfs­fólki fyrir að hafa byggt félagið upp í sam­starfi við hann. „Mér er efst í huga þakk­læti til alls þess frá­bæra starfs­fólks sem ég hef starfað með og hefur tekið þátt í upp­bygg­ingu félags­ins á und­an­förnum árum. Tra­velCo er eitt öfl­ug­asta fyr­ir­tæki Norð­ur­landa á sviði ferða­þjón­ustu og ég óska félag­inu og starfs­fólki þess alls hins besta í fram­tíð­inni sem ég veit að verður björt,“ segir Andri.