Hér­aðs­dómur Reykja­víkur sam­þykkti í dag flýti­með­ferð í dóms­máli VR gegn Fjár­mála­eft­ir­lit­inu. Í mál­inu stefnir VR Fjár­mála­eft­ir­lit­inu og Líf­eyr­is­sjóði verzl­un­ar­manna til ógild­ingar á stjórn­valds­á­kvörð­un. VR gerir kröfu um að dæmd verði ógild ákvörðun Fjár­mála­eft­ir­lits­ins frá 3. júlí síð­ast­liðnum þess efnis að stjórn­ar­menn Líf­eyr­is­sjóðs verzl­un­ar­manna sem til­kynntir voru til Fjár­mála­eft­ir­lits­ins þann 23. mars 2019, séu enn stjórn­ar­menn líf­eyr­is­sjóðs­ins.

Þetta kemur fram í til­kynn­ingu VR sem félagið sendi frá þér í dag.

Fram kom í fréttum föstu­dag­inn síð­ast­lið­inn að full­­­trú­ar VR hefðu afhent Hér­­aðs­­dómi Reykja­vík­­­ur stefnu á hend­ur Fjár­­­­­mála­eft­ir­lit­inu. Stjórn VR sam­­þykkti að stefna stofn­un­inni fyr­ir að við­­ur­­­­kenna ekki lög­­­­­mæti ákvörð­unar full­­­trú­a­ráðs VR um að aft­­­ur­­­kalla umboð stjórn­­­­­ar­­­manna í Líf­eyr­is­­­sjóði verzl­un­­­ar­­­manna.

„Mark­miðið er fyrst og fremst að fá þenn­an úr­sk­­­urð FME dæmd­an ógild­an,“ sagði Ragn­ar Þór í sam­tali við mbl.is og vís­aði til þess að FME lít­ur svo á að ákvörðun um aft­­­ur­köll­un­ina væri ekki gild þar sem hún hefði ekki, að mati stofn­un­­­ar­inn­­­ar, verið tek­in af stjórn VR eins og sam­­þykkt­ir Líf­eyr­is­­­sjóðs verzl­un­­­ar­­­manna gera ráð fyr­­­ir.

Í til­kynn­ingu VR segir að stjórn­valds­á­kvörðun Fjár­mála­eft­ir­lits­ins hafi verið haldin veru­legum ann­marka, bæði að formi og efni til, og sé þannig ógild­an­leg. „Má þar meðal ann­ars nefna að Fjár­mála­eft­ir­lit­inu bar að veita VR stöðu aðila í stjórn­sýslu­mál­inu en það var ekki gert. Þá sinnti Fjár­mála­eft­ir­litið ekki til­kynn­ing­ar­skyldu sinni þar sem VR var ekki til­kynnt að málið væri til með­ferðar og ekki heldur um nið­ur­stöðu máls­ins. Þá við­hafði Fjár­mála­eft­ir­litið ekki full­nægj­andi rann­sókn við með­ferð máls­ins. Fjár­mála­eft­ir­litið afl­aði jafn­framt ekki nauð­syn­legra gagna og var ákvörðun þess því byggð á röngum upp­lýs­ing­um. Full­nægj­andi rann­sókn hefði leitt í ljós að full­trúa­ráð VR hefur fengið fram­selda heim­ild til þess að skipa stjórn­ar­menn í Líf­eyr­is­sjóð verzl­un­ar­manna frá stjórn VR. Þá var VR ekki gef­inn kostur á að kynna sér gögn máls eða koma að frek­ari upp­lýs­ingum um máls­at­vik og var þannig brotið gegn and­mæla­rétti VR. Ljóst er að stjórn­valds­á­kvörðun Fjár­mála­eft­ir­lits­ins var haldin veru­legum ann­mörkum sem leiða til þess að ógilda beri ákvörð­un­ina,“ segir í til­kynn­ingu VR.