Don­ald Trump, for­seti Banda­ríkj­anna, hótar nýjum tollum á kín­verskan inn­flutn­ing til Banda­ríkj­anna að virði 300 millj­arða doll­ara. Trump segir toll­ana munu taka gildi í næsta mán­uði. For­set­inn til­kynnti um hina nýju tolla í kjöl­far mis­heppn­aðra samn­inga­við­ræðna banda­rískra stjórn­valda við kín­versk stjórn­völd. 

Hinir nýju tollar myndu koma ofan á hin­ar 25 pró­senta álögur á kín­verskan inn­flutn­ing sem nú þegar eru í gildi. Þær álögur hafa orðið til þess að næstum allar vörur inn­fluttar frá Kína hafa auka­álög­ur. Trump sagði blaða­mönnum í gær að hann myndi halda áfram að leggja álögur á kín­verskar vörur þar til að samn­ingur náist. Wang Yi, utan­rík­is­ráð­herra Kína, sagði í kjöl­farið að það að leggja toll á kín­verskar vörur myndi alls ekki leysa úr deilu ríkj­anna. 

Í kjöl­far færslu Trumps á Twitt­er, þar sem hann skýrði frá áætlun sinni að koma á enn hærri tollum á kín­verskar vör­ur, féllu ýmis hluta­bréf í verði sem og olíu­verð sem má lesa nánar um hér og hér.

Kín­versk stjórn­völd hafa harð­lega gagn­rýnt banda­rísk stjórn­völd í kjöl­far hót­unar Trumps. Kín­versk stjórn­völd geta ekki annað en komið á mót­væg­is­að­gerðum verði af aðgerðum Trumps, segir á vef Xin­hua, kín­versks rík­is­fjöl­mið­ils. Jafn­framt segir í frétt­inni að toll­arnir myndu hafa nei­kvæð áhrif á heims­hag­kerfið og að kín­versk stjórn­völd vilji ekki fara í við­skipta­stríð en þau ótt­ist það heldur ekki.



Tveggja daga samn­inga­við­ræður hafa átt sér stað í Shang­hai á milli kín­verskra og banda­rískra yfir­valda. Vegna þess hversu illa tókst að kom­ast að sam­komu­lagi hefur verið efnt til ann­arra við­ræðna í Was­hington í næsta mán­uð­i. 

Í júní sendu hund­ruð við­skipta­manna tals­menn sína á fund Trumps til þess að lýsa yfir áhyggjum sínum á þróun mála og mót­mæla auknum tollum á inn­fluttum kín­verskum vör­u­m.