Hagn­aður á starf­semi Sýnar var 455 millj­ónir á fyrri hluta árs­ins, en upp­gjör fyrir fyrra hluta árs­ins lit­ast veru­lega af sölu­hagn­aði vegna sam­ein­ingar félags í Fær­eyjum þar sem Sýn er hlut­hafi. 

Sam­runi P/F Hey í Fær­eyj­um, dótt­ur­fé­lags Sýnar hf. og Nema, dótt­ur­fé­lags Tjald­urs í Fær­eyjum gekk í gegn á fyrsta fjórð­ungi árs­ins 2019, og sölu­hagn­aður nam 817 millj­ónum króna. Eign­ar­hlutur Sýnar hf. í nýju sam­ein­uðu félagi, er tæp­lega 50 pró­sent.

Þetta er meðal þess sem kemur fram í fjár­fest­inga­kynn­ingu vegna upp­gjörs Sýnar fyrir annan árs­fjórð­ung, en Sýn er skráð á mark­að. Mark­aðsvirði félags­ins hefur hrunið niður á und­an­förnu ári, en verð­mið­inn hefur lækkað um 56,15 pró­sent á tíma­bil­in­u. 

Tekjur á öðrum árs­fjórð­ungi námu rúm­lega 5 millj­örðum króna, en tap var 215 millj­ónir af rekstr­in­um. 

Eig­in­fjár­hlut­fall félags­ins er 35,6 pró­sent. Eignir 30,4 millj­arðar og skuldir 19,6 millj­arð­ar.

Heiðar Guð­jóns­son, for­stjóri Sýn­ar, segir í yfir­lýs­ingu að afkoma félags­ins hafi valdið von­brigð­u­m. 

Betri tíð sé þó í vænd­um, þar sem félagið hafi komið miklu í verk á skömmum tíma, sam­hliða end­ur­skipu­lagn­ingu á stjórnun félags­ins og stefn­un­ar­mót­un­ar­vinnu. „Af­koma síð­asta árs­fjórð­ungs eru von­brigði. Fyrri spár stóð­ust engan veg­inn. Helstu ástæður eru verð­lækk­anir og frít­il­boð á fjar­skipta­mark­aði auk þess sem kostn­aður á fjöl­miðla­mark­aði var umfram áætl­an­ir.

Ný fram­kvæmda­stjórn hefur komið miklu í verk frá því hún tók við eftir síð­asta upp­gjör í maí. Við höfum hag­rætt mikið í rekstri, en kostn­að­ar­lækkun mun nema yfir 50 millj­ónum á mán­uði þegar hún kemur fram í vet­ur. Deildir hafa verið sam­ein­að­ar, milli­stjórn­endum og almennu starfs­fólki hefur fækkað auk þess sem end­ur­samið hefur verið við birgja. Rekstr­ar­á­ætl­anir hafa verið end­ur­gerð­ar, sem mun skila sér í áreið­an­legri spám. Allt fyr­ir­tækið fór í gegnum stefnu­mótun í júní, með mik­illi þátt­töku starfs­fólks, og nið­ur­staðan var ein­róma og skýr. Við höfum því sam­stilltan hóp sem vinnur nú að sam­eig­in­legum mark­mið­um. Í fram­haldi af stefnu­mótun og áherslu­breyt­ingum voru deildir færðar til í skipu­riti og þannig stytt­ast boð­leiðir og sam­starf verður enn betra. Tekju­svið eru núna skýrt afmörkuð og heyra beint undir for­stjóra. Nýtt svið, sam­skipta­svið, sem mark­aðs­svið rennur m.a. inn í hefur verið stofnað. Búið er að vinna nýja sam­skipta­grein­ingu og end­ur­skoða vöru­merki félags­ins.

Áhersla vetr­ar­ins er að ein­falda og bæta þjón­ustu við við­skipta­vini. Við höfum frá­bærar vörur sem við erum stolt af og munum kynna frekar í vet­ur,“ segir Heið­ar.