Þór­hildur Sunna Ævars­dótt­ir, for­maður stjórn­skip­un­ar- og eft­ir­lits­nefndar Alþingis og þing­maður Pírata, segir að til greina komi að gera frum­kvæð­is­rann­sókn á mögu­legu van­hæfi sjáv­ar­út­vegs- og land­bún­að­ar­ráð­herra, Krist­jáns Þórs Júl­í­us­son­ar, vegna Sam­herj­a­máls­ins. 

Þetta kom fram í við­tali við Stöð 2. 

Á fundi nefnd­ar­innar í morgun komu sér­fræð­ingar til að ræða um ýmis mál sem tengj­ast hæf­is­reglum stjórn­sýslu­laga og ráð­herra voru rædd­ar, en sér­fræð­ing­arnar voru ekki að leggja mat á ein­staka þætti og hvort Krist­ján Þór væri van­hæf­ur. 

Sjálfur hefur Krist­ján Þór sagt að hann muni áfram sinna sínum störf­um, og hann telji ekki að hann sé van­hæfur sem ráð­herra, þrátt fyrir að hann hafi verið stjórn­ar­for­maður Sam­herja um tíma. 

„Okkur hefur ekki borist sú gæfa, eins og nágranna­þjóðum okk­ar, að ráð­herrar setji hags­muni stjórn­sýsl­unn­ar, setji hags­muni ráðu­neyt­is­ins, framar sínum eigin hags­munum að fá að sitja áfram í ráð­herra­stóli. Það snýst ekk­ert endi­lega um hvort ráð­herr­ann hefur rétt eða rangt fyrir sér eða hvort það er sann­gjarnt eða ekki sann­gjarnt að hann fái að sitja áfram í emb­ætti. Það á alltaf að vera stærra heldur en hann sjálf­ur,“ sagði Þór­hildur Sunna í við­tali við Stöð 2.