Börnin sem munu „fylla skörðin“ í atvinnulífinu

Innflytjendamál og lýðfræði eru til umfjöllunar í nýjustu útgáfu Vísbendingar.

Áhorfandi á Austurvelli
Auglýsing

„Valið snýst þá um hvort íslenska þjóðin vill fremur eign­ast eigin börn eða fá börn ann­arra til þess að fylla í skörðin í atvinnu­líf­inu og sjá fyrir þeim sem eru orðnir gaml­ir. Inn­flytj­endum fylgir fjöl­breytt­ara mann­líf, þeir koma með aðra siði og venjur og eru yfir­leitt dugn­að­ar­fólk.“

Þetta segir í grein Gylfa Zoega hag­fræði­pró­fess­ors, sem birt­ist í nýj­ustu útgáfu Vís­bend­ing­ar. Í grein­inni fjallar hann um inn­flytj­enda­mál og lýð­fræði, og hvernig þessi mál­efni skoð­ast út frá hag­fræði­legu sjón­ar­horni, bæði á alþjóða­vett­vangi og á Ísland­i. 

Í grein­inni segir meðal ann­ars:

Auglýsing

„Í byrjun árs 2018 voru 43.736 inn­flytj­endur á Íslandi sem er 12.6% mann­fjöld­ans skv. tölum Hag­stof­unn­ar.  Við þetta bæt­ast börn inn­flytj­enda sem voru 4.861 í byrjun 2018, alls voru þetta þá 48.597 ein­stak­lingar sem gerir 13,9% af mann­fjöld­an­um. Af inn­flytj­endum eru Pól­verjar fjöl­mennast­ir, alls 38,8% allra inn­flytj­enda. 

Mik­ill fjöldi inn­flytj­enda síð­ustu árin og hærri fæð­ing­ar­tíðni en í flestum öðrum Evr­ópu­ríkjum hefur komið í veg fyrir aukna fram­færslu­byrði af eldri borg­ur­um. Efri hluti mynd­ar­innar hér að neðan sýnir hvernig byrðin – skil­greind sem hlut­fall fjölda fólks yfir 65 ár aldri og þeirra sem eru á milli 15 og 64  ára – hefur farið vax­andi ann­ars stað­ar, mest í Jap­an, þá í Þýska­landi. Hér á landi er hún lægri og hefur hækkað minna. Hins vegar er því spáð að hún fari vax­andi næsta ára­tug­inn eins og sést á neðri helm­ingi mynd­ar­inn­ar. Vax­andi hluti þjóð­ar­inn mun þá vera á eft­ir­laun­um.

Hvað er til ráða?

Hver full­orð­inn ein­stak­lingur verður að gera það upp við sig hvort hann eða hún vilji eign­ast börn. Með vax­andi menntun og auknum tæki­færum má búast við því að fleiri kjósi að eign­ast færri börn, jafn­vel eng­in. Þessi þróun er ára­tuga gömul í Evr­ópu og hennar er farið að gæta hér á landi. Öldrun sam­fé­laga er hins vegar óæski­leg vegna þess að hún bitnar á nýsköp­un, sparn­aði og fjár­fest­ingu og leiðir þannig til stöðn­un­ar. Lífs­kjör versna vegna minni hag­vaxtar og einnig vegna auk­innar fram­færslu­byrði af þeim sem eru farnir af vinnu­mark­að­in­um.

Fyrstu við­brögð gætu verið þau að tengja eft­ir­launa­aldur við lífslíkur þannig að hann hækki reglu­lega ef lífslíkur aukast. Þetta hefur lengi verið gert í Dan­mörku, svo dæmi sé tek­ið. Með því að hækka eft­ir­launa­ald­ur­inn er hægt að draga úr aukn­ingu greiðslu­byrðar sem stafar að auknu lang­lífi.

Önnur við­brögð væru að auka enn fjár­hags­legan stuðn­ing við barna­fjöl­skyldur og gera for­eldrum ungra barna auð­veldar fyrir að sam­eina þátt­töku á vinnu­mark­aði og upp­eldi barna. Hag­fræð­ing­arnir Gunnar og Alva Myr­dal héldu því fram að sænska vel­ferð­ar­ríkið væri hannað til þess að gera vinn­andi konum kleift að verða mæður og slík við­horf hafa fylgt íslenska kerf­inu. Æski­legt væri að halda áfram á þeirri braut að skipu­leggja fæð­ing­ar­or­lof, leik­skóla og grunn­skóla með það að mark­miði að sem flestir vilji leggja sitt fram við fjölgun þjóð­ar­inn­ar. 

Ef fæð­ing­ar­tíðni hækkar ekki hér á landi á næstu árum og ára­tugum og lang­lífi eykst enn frekar mun það kalla á aðflutn­ing erlends vinnu­afls. Þessi þróun ger­ist á hinum Evr­ópska vinnu­mark­aði sem Ísland er á þótt engin stjórn­valds­á­kvörðun sé tek­in. Þannig verða litlir árgangar á vinnu­mark­aði til þess að fyr­ir­tæki ráða erlent vinnu­afl eins og þau hafa gert í stórum stíl hér á landi und­an­farin ár.  

Myndin hér að neðan sýnir tengsl fjölda inn­flytj­enda (sem hlut­fall af íbúa­fjölda) og frjó­semi sextán árum áður fyrir 23 ríki frá árunum 1984-2014 (byrj­un­arár mis­mun­andi eftir lönd­um). Nið­ur­hallandi sam­band segir okkur að mestur aðflutn­ingur fólks frá öðrum löndum var þar sem frjó­semi var minnst 16 árum áður. Inn­flytj­endur koma þannig í stað­inn fyrir þá sem ekki fædd­ust nærri tveimur ára­tugum áður.

Valið snýst þá um hvort íslenska þjóðin vill fremur eign­ast eigin börn eða fá börn ann­arra til Innflytjendur.þess að fylla í skörðin í atvinnu­líf­inu og sjá fyrir þeim sem eru orðnir gaml­ir. Inn­flytj­endum fylgir fjöl­breytt­ara mann­líf, þeir koma með aðra siði og venjur og eru yfir­leitt dugn­að­ar­fólk.



Hægt er að ger­ast áskrif­andi að Vís­bend­ingu hér. 















Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Tæknivarpið
Tæknivarpið
Tæknivarpið – Íslenskt fyrirtæki á CES og FBI vill bakdyr að iPhone
Kjarninn 22. janúar 2020
Kallað eftir því að ÁTVR aðgreini tekjur af tóbaki og áfengi
Fyrirspurn liggur fyrir á Alþingi þar sem farið er fram á að ÁTVR sundurliði tekjur af tóbaks- og áfengissölu. ÁTVR hefur ekki viljað gera það hingað til. Í ársreikningi má þó sjá að allt bendir til þess að tóbakssala sé að niðurgreiða áfengissölu.
Kjarninn 22. janúar 2020
Mótmæli hælisleitenda þann 13. mars á síðasta ári.
Umsóknir um alþjóðlega vernd hlutfallslega flestar á Íslandi miðað við hin Norðurlöndin
Alls bárust 867 umsóknir um alþjóðlega vernd til Útlendingastofnunar á síðasta ári. Umsækjendur voru af 71 þjóðerni.
Kjarninn 22. janúar 2020
Hremmingarnar halda áfram hjá Boeing
Boeing, stærsta útflutningsfyrirtæki Bandaríkjanna, á í miklum vandræðum þessi misserin, og reynir nú að styrkja fjárhagsstöðu sína með lánum frá bandarískum bönkum og endurskipulagningu í rekstri.
Kjarninn 22. janúar 2020
Komin inn á hættulega braut ef bóndi getur ekki verið landbúnaðarráðherra
Kristján Þór Júlíusson telur sig ekki vanhæfan til að koma að undirbúningi eða framlagningu frumvarpa um makrílkvóta þótt Samherji eigi þar undir mikla fjárhagslega hagsmuni. Sama gildi um kvótaþak. Það sé alltaf Alþingi sem á endanum setji lög.
Kjarninn 22. janúar 2020
Kristján Þór segist engra hagsmuna hafa að gæta gagnvart Samherja
Sjávarútvegs- og landbúnaðarráðherra segir að einu tengsl sín við Samherja í dag sé vinátta hans við Þorstein Má Baldvinsson, sem steig tímabundið úr stóli forstjóra Samherja í síðasta mánuði.
Kjarninn 22. janúar 2020
Ketill Sigurjónsson
Er íslenskt raforkuverð hátt eða lágt?
Kjarninn 22. janúar 2020
Bogi Níls Bogason er forstjóri Icelandair.
Icelandair mun ekki geta notað Max-vélarnar í sumar
737 Max-vélar Boeing fara ekki í loftið í sumar. Icelandair reiknar því ekki lengur með þeim í flug félagsins á háannatíma. Félagið býst samt sem áður við því að flytja að minnsta kosti jafn marga farþega og í fyrra til landsins.
Kjarninn 22. janúar 2020
Meira úr sama flokkiInnlent