Búið er að birta nýja útgáfu af frum­varpi Lilju D. Alfreðs­dótt­ur, mennta- og menn­ing­ar­mála­ráð­herra, um stuðn­ings­greiðslur til einka­rek­inna fjöl­miðla. Sam­kvæmt frum­varp­inu verður horfið frá því að end­ur­greiða 25 pró­sent af kostn­aði við rekstur rit­stjórna upp að 50 millj­óna króna þaki. Þess í stað verður end­ur­greiðslan 18 pró­sent en þakið áfram 50 millj­ónir króna. 

Í síð­ustu viku spurð­ist út að hlut­fall end­ur­greiðslu yrði 20 pró­sent í breyttu frum­varpi en nú liggur ljóst fyrir að það verður enn lægra. 

Greiðsl­urnar verða bundnar við þá upp­hæð sem sett verður í stuðn­ing­inn á fjár­lögum hverju sinni og því gæti það gerst að einka­reknir fjöl­miðlar myndu ekki ná því hlut­falli af rekstr­ar­kostn­aði rit­stjórna í end­ur­greiðslu, ef ekki fjár­magnið sem sett væri í mála­flokk­inn nægði ekki til. Á fjár­lögum sem sam­þykkt voru í síð­ustu viku er 400 millj­ónir króna settar í stuðn­ing til einka­rek­inna fjöl­miðla. 

Verði frum­varpið að lögum munu þau gilda frá 1. jan­úar 2020. Lögin taka til kostn­aðar sem fellur til frá og með rekstr­ar­ár­inu 2019.

Málið hefur verið í deigl­unni árum saman og drög að frum­varp­inu voru fyrst kynnt af ráð­herra í lok jan­úar síð­ast­lið­ins. Það hefur ekki kom­ist á dag­skrá vegna mik­illar and­stöðu við málið hjá hluta þing­flokks Sjálf­stæð­is­flokks. Þær breyt­ingar sem gerðar hafa verið á því eru til að koma til móts við þá and­stöð­u. 

Stærstu fyr­ir­tækin tala til sín þorra stuðn­ings­ins

Við­búið er að þrjú stærstu einka­reknu fjöl­miðla­fyr­ir­tæki lands­ins: Árvakur (út­gáfu­fé­lag Morg­un­blaðs­ins), Sýn og Torg (út­gáfu­fé­lag Frétta­blaðs­ins), muni fá hámarks­end­ur­greiðslu upp á 50 millj­ónir króna hvort. Skerð­ingin á end­ur­greiðslu­hlut­fall­inu sem orðið hefur á milli frum­varpa Lilju mun því ekki bitna á þeim heldur ein­vörð­ungu á minni fjöl­miðla­fyr­ir­tækjum sem eru ekki með nægj­an­lega háan rekstr­ar­kostnað til fá hámarks­greiðslu. 

Til við­bótar er gert ráð fyrir sér­stökum við­bót­ar­stuðn­ingi við einka­rek­inna fjöl­miðla sem nemur allt að fjórum pró­sentum af þeim hluta af launum launa­manna fjöl­mið­ils sem falla undir lægra skatt­þrep tekju­skatts­stofns. Þessi sér­staki stuðn­ingur lækkar úr 5,25 pró­sentum í upp­haf­legu frum­varpi Lilju í fjögur pró­sent. Þeir miðlar sem eru með flest starfs­fólk fá þorra við­bót­ar­stuðn­ings­ins í sinn hlut.

­Sam­kvæmt nýja frum­varp­inu mun ráð­herra skipa úthlut­un­ar­nefnd um stuðn­ings­greiðsl­urn­ar. Nefnd­ar­mennir verða til­nefndir af rík­is­end­ur­skoð­anda en ráð­herr­ann mun sjálfur skipa for­mann og vara­for­mann hennar úr hópi þeirra sem sem rík­is­end­ur­skoð­andi til­nefn­ir. Umsókn um stuðn­ing á að skila inn, ásamt við­eig­andi fylgi­gögn­um, fyrir 31. mars ár hvert og úthlutun verður fyrir fyrra rekstr­ar­ár. 

Á meðal þeirra skil­yrða sem fjöl­miðlar þurfa að upp­fylla til að geta sótt um stuðn­ing er að fjöldi á rit­stjórn sé að minnsta kosti þrír, að fjöl­mið­ill­inn hafi verið starf­andi í að minnsta kosti tólf mán­uði og að hann sé ekki í van­skilum vegna opin­berra gjalda eða afdreg­inna líf­eyr­is­ið­gjalda. Fjöl­miðla­fyr­ir­tæki verða látin leggja fram stað­fest­ingu á skulda­stöðu við opin­bera aðila og líf­eyr­is­sjóði áður en umsókn þeirra verður sam­þykkt.

Kjarn­inn miðlar er eitt þeirra fjöl­miðla­fyr­ir­tækja sem upp­fylla þau skil­yrði sem sett eru fyrir end­ur­greiðslu í frum­varp­in­u.