Sé horft til útlána til fyr­ir­tækja hjá Lands­bank­an­um, stærsta banka lands­ins sem ríkið á að mestu (98,2 pró­sent), þá er sjáv­ar­út­vegur lang­sam­lega umfangs­mestur þegar geirar atvinnu­lífs­ins eru skoð­að­ir. 

Sam­tals námu útlán til sjáv­ar­út­vegs­ins rúm­lega 151,3 millj­örðum króna í lok árs, og juk­ust þau um rúm­lega fjóra millj­arða frá stöðu mála í lok árs 2018. 

Þetta kemur fram í skýr­ingum sam­stæðu­reikn­ings, þar sem fjallað um áhættu­grunn í efna­hags­reikn­ingi bank­ans. 

Fast­eigna­fé­lög eru einnig stór í útlánum hjá bank­an­um, með 139 millj­arða, og þjón­usta er með 137 millj­arða króna. 

Sé horft til áhættu bank­ans utan efna­hags­reikn­ings, það er hámarks­greiðslur sem sam­stæðan gæti þurft að inna af hendi vegna ábyrgða, lána­skuld­bind­inga og óádreg­inna yfir­drátt­ar­heim­ilda og kredit­korta­heim­ilda, þá nemur hún 167,9 millj­örðum í til­viki sjáv­ar­út­vegs­ins. 

Þegar staða mála í bygg­ing­ar­starf­semi er skoðuð er áhætta utan efna­hags­reikn­ings um 53 millj­arðar króna, og þar af eru ónýttar láns­heim­ildir 46 millj­arð­ar, en heildar umfang útlána Lands­bank­ans til bygg­ing­ar­starf­semi nam rúm­lega 98 millj­örðum króna í lok árs­ins. 

Eins og greint var frá í dag, þegar upp­gjör Lands­bank­ans var birt, hagn­að­ist Lands­bank­inn um 18,2 millj­arða króna í fyrra. Heild­ar­eignir bank­ans - þar sem útlán eru stærsti þátt­ur­inn - námu 1.426 millj­örðum króna í lok árs, og var eig­in­fjár­hlut­fall bank­ans 25,8 pró­sent, og eigið féð 247,7 millj­arðar króna.

Ein­stak­lings­við­skipti vega þyngst í grunn­rekstri Lands­bank­ans, eins og sést á útlána­tölum bank­ans. Sam­tals námu útlán til ein­stak­linga 468 millj­örðum króna í lok árs­ins.

Sam­an­lagðar arð­greiðslur Lands­bank­ans til íslenska rík­is­ins, nema um 150 millj­örðum króna, frá árinu 2013 og með arð­greiðslu vegna árs­ins 2019, sem er áætluð að verði 9,5 millj­arð­ar.