Verk­fallsvakt Efl­ingar varð aðeins vör við eitt verk­falls­brot á fyrsta heila verk­falls­degi félaga í stétt­ar­fé­lag­inu hjá Reykja­vík­ur­borg í gær, 6. febr­ú­ar. Þetta kemur fram í stöðu­upp­færslu Efl­ingar á Face­book í dag.

Sam­kvæmt stétt­ar­fé­lag­inu fólst verk­falls­brotið í ólög­mætri sam­ein­ingu deilda á leik­skóla og hefur brotið verið til­kynnt stjórn­endum skóla- og frí­stunda­sviðs Reykja­vík­ur­borg­ar.

Verk­fallsvaktin fór út í fimm hópum og heim­sótti um 80 vinnu­staði Reykja­vík­ur­borgar þennan fyrsta verk­falls­dag, að því er fram kemur í færsl­unni. Þá hafi verið litið inn á nokkra vinnu­staði um kvöld­ið. Í verk­fallsvakt er starfs­fólk Efl­ingar ásamt félags­fólki í verk­falli sem boðið hefur fram krafta sína.

Vel tekið á móti verk­fallsvörðum

„Sex staðir voru lok­að­ir, leik­skólar og félags­mið­stöðv­ar, skert þjón­usta var á flestum leik­skólum og starf­stöðum sem ekki voru með und­an­þág­ur. Verk­fallsvarsla fór ekki í eft­ir­lit í íbúa­kjarna eða í minni úrræði við­kvæmra hópa enda var gefin und­an­þága fyrir starf­semi þeirra,“ segir í færslu Efl­ing­ar.

Þá kemur fram að vel hafi verið tekið á móti verk­fallsvörðum hvert sem þeir komu. Ljóst sé að mikil sam­staða ríki meðal starfs­fólks vinnu­staða Reykja­vík­ur­borgar og þjón­ustu­þega.

„Við þökkum kær­lega fyrir góðar mót­tökur og fyrir þann sam­hug sem starfs­fólk frá öðrum stétt­ar­fé­lög­um, for­eldrar barna og not­endur þjón­ustu sem hefur skerst hafa sýnt.“