Beiðni um endurupptöku hafnað

Kærunefnd útlendingamála hefur hafnað beiðni um endurupptöku á máli systkinanna Ali, Kayan, Saja og Jadin og foreldra þeirra frá Írak.

Ali, Kayan, Saja og Jadin
Ali, Kayan, Saja og Jadin
Auglýsing

Kæru­nefnd útlend­inga­mála hefur hafnað beiðni um end­ur­upp­töku á máli systk­in­anna Ali, Kayan, Saja og Jadin og for­eldra þeirra frá Írak. Frá þessu greindi Sema Erla Serdar, ­stofn­andi Sol­­aris – hjálp­­­ar­­sam­­taka fyrir hæl­­is­­leit­endur og flótta­­fólk á Íslandi, á Face­­book-­­síðu sinni í gær­kvöldi.

Brott­vísun fjöl­skyld­unnar var frestað í síð­ustu viku en hún hefur vakið mikil við­brögð hjá Íslend­ing­um. Tugir mættu í mót­mæla­göngu í gær á vegum No Borders, Sol­aris og Réttar barna á flótta en gangan var „í sam­stöðu með fólki á flótta, gegn fas­isma ríkis og ein­stak­linga.“

Sema Erla segir að fjöl­skyldan muni fara í beinu einka­flugi í boði íslenskra yfir­valda til Grikk­lands á mið­viku­dag eða fimmtu­dag. „Við erum að fara að senda fjögur flótta­börn, á aldr­inum eins til níu ára, í mjög við­kvæmri stöðu, á göt­una í Grikk­landi þar sem ríkir neyð­ar­á­stand og nýnas­istar munu taka á móti þeim með ofbeldi, sví­virð­ingum og nið­ur­lægj­andi og ómann­úð­legri með­ferð,“ skrifar hún.

Auglýsing

Hræði­legt ástand við Mið­jarð­ar­haf

Rauði kross­inn á Íslandi mót­­mælti í síð­ustu viku fyr­ir­hug­uðum brott­vís­unum barna­­fjöl­­skyldna til Grikk­lands þar sem þær hafa alþjóð­­lega vernd. Í til­­kynn­ingu frá Rauða kross­inum kemur fram að íslensk stjórn­­völd hafi hingað til ekki sent börn frá Íslandi til Grikk­lands en nú hafi að minnsta kosti fimm fjöl­­skyldur fengið til­­kynn­ingu um að íslensk stjórn­­völd muni flytja þau til Grikk­lands á næstu dögum og vik­­um.

„Á sama tíma ber­­ast fregnir af hræð­i­­legu ástandi við Mið­jarð­­ar­haf, t.a.m. drukknun ungs drengs þegar hann og fjöl­­skylda hans fóru yfir hafið frá Tyrk­landi á ótryggum bát. Þá er afar við­­kvæmt ástand við landa­­mæri Tyrk­lands og Grikk­lands þar sem fréttir herma að um 13.000 flótta­­menn bíði inn­­­göngu. Þá ber­­ast einnig fregnir af harð­ræði grísku lög­­regl­unnar og öðrum yfir­­völdum og að fólki sé meinað inn­­­göngu. Mikil ólga og andúð fólks í Grikk­landi á flótta­­fólki er einnig áber­andi í fjöl­miðlum sem ætla má að fari aðeins vax­and­i,“ segir í til­­kynn­ingu Rauða kross­ins.

Útlend­inga­stofnun stendur við bak þess­ara ákvarð­ana með góðri sam­visku

Þor­steinn Gunn­ars­son, settur for­stjóri Útlend­inga­stofn­un­ar, sagði í sam­tali við RÚV í síð­ustu viku að ástandið í Grikk­landi, og sér­stak­lega við landa­mæri Tyrk­lands, væri grafal­var­legt. Útlend­inga­stofnun félli hins vegar ekki frá brott­vís­unum þar sem þær stæð­ust útlend­inga­lög og fjöl­skyld­urnar væru þegar með alþjóð­lega vernd í Grikk­land­i. 

„Eini hóp­ur­inn sem við skoðum að senda til baka til Grikk­lands eru ein­stak­lingar sem hafa fengið þar jákvæða nið­ur­stöðu, alþjóð­lega vernd,“ sagði Þor­steinn.

Aðspurður hvort ástandið í Grikk­landi, sér­stak­lega eins og það hefur verið síð­ustu viku, væri nægi­lega gott til að Íslend­ingar gætu með góðri sam­visku vísað barna­fjöl­skyldum þangað sagði hann svo ver­a. 

„Sam­kvæmt lögum um útlend­inga þá er okkur ekki heim­ilt að senda neinn til baka sem gæti átt hættu á ómann­úð­legri eða van­virð­andi með­ferð. Meðan við förum eftir því, já, þá getum við staðið við bak þess­ara ákvarð­ana með góðri sam­visku,“ sagði Þor­steinn við RÚV. 

Segir Íslend­inga skrá sig á spjöld sög­unnar

Sema Erla segir í færslu sinni að Íslend­ingar séu að fara að senda börn sem annað hvort hafa verið um ára­bil á flótta eða eru fædd á flótta – aftur á flótta um ókomna tíð. „Við erum að fara að skrá okkur á spjöld sög­unnar fyrir að vera ríkið sem sendir flótta­börn í eymd, von­leysi, ótta og óör­yggi í Grikk­landi á sama tíma og önnur ríki eru að opna faðm­inn og bjóða flótta­börnum frá Grikk­landi að koma í skjól og öryggi til sín.“

Þá séu Íslend­ingar að fara að senda börnin í skelfi­legar aðstæður sem „við myndum aldrei sætta okkur við fyrir okkur sjálf eða börnin okk­ar. Þessi for­kast­an­lega aðgerð verður fram­kvæmd í and­stöðu við skýran vilja þess sam­fé­lags sem yfir­völd eru í for­svari fyr­ir. Skömm ykkar er mik­il. Við munum ekki fyr­ir­gefa. Við munum aldrei gleyma. Sagan mun dæma ykkur hart,“ skrifar hún að lok­um.

Kæru­nefnd útlend­inga­mála hefur hafnað beiðni um end­ur­upp­töku á máli systk­in­anna Ali, Kayan, Saja og Jadin og ungra...

Posted by Sema Erla Serdar on Monday, March 9, 2020


Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Sólveig Anna Jónsdóttir
Villimenn við borgarhliðið: Kreppa íslensku verkalýðshreyfingarinnar I
Kjarninn 16. ágúst 2022
Meira úr sama flokkiInnlent