Á upp­lýs­inga­fundi almanna­varna í dag minnti Víðir Reyn­is­son, yfir­lög­reglu­þjónn hjá rík­is­lög­reglu­stjóra, á að enn væru um það bil þrjár vikur þar til fyrst­u tilslak­anir á sam­komu­banni sem nú er í gildi komi til fram­kvæmda. Enn væru ­sam­komur fleiri en tutt­ugu manna bann­að­ar. Það ætti líka við mat­ar­boð stór­fjöl­skyldna. Og þó að tak­mörk­unum verði aflétt í skrefum eftir 4. maí væri fólk áfram hvatt til að gæta að sér í sam­skiptum við fólk, sér­stak­lega þeirra sem eru í við­kvæmum hóp­um.

Víðir gerð­i ótta og kvíða einnig að umtals­efni á fund­in­um. Hann sagði þetta tvennt geta verið fylgi­fisk ástands­ins í þjóð­fé­lag­inu. Ef fólk upp­lifir ótta og kvíða ætt­i það ekki að hika við að leita sér aðstoð­ar, hvort sem það væri með því að ræða við góðan vin eða tala við sér­fræð­inga. Minnti hann á hjálp­ar­síma Rauða kross­ins í því sam­bandi.

Hann hrós­að­i svo krökkum Íslands sér­stak­lega, krökkum sem hafa farið að leið­bein­ing­um, far­ið í skól­ann og staðið sig vel. Sinnt sinni íþrótt eins og hægt er. Krakkar sem virða ­regl­urnar um að vera í sama hópi í skóla og utan skóla þótt það geti reyn­st þeim erfitt. „Krakk­ar, þið eruð að standa ykkur vel og eruð frá­bær.“