Íslensk erfða­grein­ing hefur hafið mótefna­mæl­ingar vegna COVID-19. Þetta kemur fram í til­kynn­ingu á Face­book-­síðu fyr­ir­tæk­is­ins.

Fram kemur að fyrst í stað setji þau ákveðna hópa í for­gang og bjóði þeim að koma. Nú sé ein­blínt á fólk sem hefur verið með stað­festa COVID-19 sýk­ingu en sé batn­að.

Þá sé ætl­unin að bjóða stórum hluta þess hóps sem hefur verið í sótt­kví að koma í mótefna­mæl­ingu. Í fram­hald­inu verði von­andi hægt að bjóða almenn­ingi uppá slíkar mæl­ingar en vegna umfangs­ins sé óvíst hvenær það verð­ur. Það átak verði kynnt sér­stak­lega í fjöl­miðl­um.

Enn fremur segir í til­kynn­ingu Íslenskrar erfða­grein­ingar að mikið álag sé á Þjón­ustu­mið­stöð rann­sókna­verk­efna vegna þessa og vilja þau biðja fólk um að sýna bið­lund ef það vill kom­ast í slíka mæl­ingu.

Mótefni hjá sýktum stað­­fest

Kári Stef­áns­son, for­­stjóri Íslenskrar erfða­­grein­ing­­ar, sagð­ist á dag­legum blaða­manna­fundi almanna­varna í gær reikna með að skimun fyrir mótefnum gegn veirunni sýndi hver hin raun­veru­­lega dreif­ing veirunnar væri í sam­­fé­lag­inu.

Þá var ­búið að mótefna­­mæla milli 700 til 800 manns í gær, þar af voru um 500 sem ekki var vitað til­ að hefðu sýkst. Kári sagði að nú þegar sæist það mynstur sem búist var við: ­Meiri­hluti þeirra sem hefur sýkst er kom­inn með mótefni.

Fjöl­marg­ar ­þjóðir heims eru nú að hefja mótefna­­mæl­ing­­ar. Kári sagði að til þess yrði að horfa þegar tak­­mark­­anir á ferða­lögum til og frá Íslandi væru ákveðn­­­ar. „Þú vilt ekki hleypa fólki inn í landið frá löndum sem hafa ekki verið að gera nokk­urn skap­aðan hlut.“

Fram­lag ­Ís­­lenskrar erfða­­grein­ingar til þró­unar bólu­efnis gegn veirunni verður að sögn Kára það að sýna fjöl­breyt­i­­lega bygg­ingu henn­­ar. Hann sagð­ist bjart­­sýnni en Þórólfur Guðn­a­­son sótt­­varna­læknir á að bólu­efni yrði fljótt aðgeng­i­­leg­t. Klínískar próf­­anir á því væru þegar hafn­­ar. Sagð­ist hann gera sér vonir um að það yrði, í ein­hverju formi, til­­­búið innan árs.