Banda­ríska mat­væla- og lyfja­eft­ir­lit­ið, FDA, varar við því að malar­íu­lyf sem reynd hafa verið í bar­átt­unni gegn COVID-19 geti valdið alvar­leg­um hjart­slátt­ar­trufl­un­um. Þau ætti aðeins að nota fyrir COVID-­sjúk­linga í klínískum ­rann­sóknum og á sjúkra­húsum þar sem hægt er að fylgj­ast gaum­gæfi­lega með­ hjarta­starf­semi.

Lyfin heita hydroxychloroquine og chloroquine.

Í aðvörun sem FDA birti í dag segir að stofn­unin hafi feng­ið til­kynn­ingar um alvar­legar hjart­slátt­ar­trufl­anir hjá sjúk­lingum með COVID-19 ­sem hafa fengið þessi lyf, sér­stak­lega ef þau eru gefin sam­hliða öðrum lyfj­u­m, m.a. sýkla­lyf­inu azit­hromycin. Í yfir­lýs­ingu stofn­un­ar­innar er enn­fremur bent á að margt fólk hafi fengið lyf­inu ávísað til heima­brúks í þeirri von að kom­ast hjá sýk­ingu af völdum nýju kór­ónu­veirunn­ar.

Í frétt New York Times um málið segir að engar við­ur­kennd­ar ­rann­sóknir hafi sýnt fram á gagn­semi af því að gefa COVID-­sjúk­lingum malar­íu­lyf­in hydroxychloroquine og chloroquine. Heim­ilt er að gefa lyfin við malaríu og ­sjálf­só­næm­is­sjúk­dómum á borð við rauða úlfa.

Er far­ald­ur­inn breidd­ist út í Kína við upp­haf árs vor­u læknar á kín­verskum sjúkra­húsum ráð­þrota og reyndu ýmis lyf til að bjarga líf­i ­sjúk­linga sinna. Rann­sóknir á árangri af notkun malar­íu­lyfj­anna tveggja vor­u ­gerðar bæði þar og í Frakk­landi sem virt­ust sýna fram á gagn­semi þeirra en þær ­rann­sóknir skorti, að því er fram kemur í grein New York Times, ýmsa þá þætt­i ­sem nauð­syn­legir eru í við­ur­kenndum vís­inda­rann­sókn­um.

Don­ald Trump Banda­ríkja­for­seti mælti með notkun þeirra og ­sagði þau virð­ast gagnast, m.a. ef þau væru gefin með sýkla­lyf­inu azit­hromycin. Það lyf er notað til að vinna á bakt­er­íu­sýk­ingum en ekki veiru­sýk­ing­um.

Mörg sjúkra­hús um allan heim hafa notað malar­íu­lyfið hydroxychloroquine í með­ferð við COVID-19. Það hefur m.a. verið notað á Land­spít­al­anum.