Bláa lónið hefur gripið til aðgerða til að „bregð­ast við miklum sam­drætti og óvissu í ferða­þjón­ustu næstu miss­eri. Nú er orðið ljóst að áhrifin af Covid-19 eru miklu umfangs­meiri og lang­vinn­ari en vænt­ingar voru um“. 

Þetta kemur fram í til­kynn­ingu frá fyr­ir­tæk­inu. Í henni kemur fram að 403 starfs­mönnum verði sagt upp störfum frá og með næstu mán­aða­mót­u­m.  Bláa lónið von­ast hins vegar til að geta ráðið það starfs­fólk sem sagt verður upp aftur til starfa þegar aðstæður breyt­ast til hins betra.  

Laun þeirra starfs­manna sem ekki fá upp­sögn verða skert, mest hjá for­stjóra og stjórn um 30 pró­sent, 25 pró­sent hjá fram­kvæmda­stjórn og minna hjá öðr­um. 

„Þrátt fyrir mikla óvissu hefur verið ákveðið að opna allar starfs­stöðvar Bláa lóns­ins á ný þann 19. júní næst­kom­andi, eftir tæp­lega þriggja mán­aða lokun en á því tíma­bili hefur fyr­ir­tækið verið nær tekju­laust,“ segir í til­kynn­ing­unni.

Mark­mið þeirra aðgerða sem Bláa Lónið hefur nú gripið til er að gera fyr­ir­tæk­inu kleift að kom­ast í gegnum þá óvissu­tíma sem framundan eru.  „Bláa lón­ið, sem leið­andi fyr­ir­tæki í íslenskri ferða­þjón­ustu, ætlar sér að taka þátt í við­spyrnu grein­ar­innar af fullum krafti þegar birta tekur að nýju.“

Bláa lónið nýtti sér úrræði stjórn­valda vegna COVID-19 og setti rúm­lega fjögur hund­ruð manns á hluta­bætur í mars og apr­íl.