Beta Nor­dic Studi­os, sem er dótt­ur­fyr­ir­tæki Beta Film, stærsta sjálf­stæða kvik­mynda­fyr­ir­tækis Evr­ópu, hefur keypt fjórð­ungs­hlut í íslenska fyr­ir­tæk­inu Sagafilm. Verður Sagafilm þar með hluti af Beta Nor­dic Studi­os, rétt eins og sænska fram­leiðslu­fyr­ir­tækið Dramacorp og finnska fyr­ir­tækið Fis­her King. Kaup­verðið er trún­að­ar­mál.

„Þetta er bara frá­bært, það er í fyrsta lagi ein­hver sem hefur áhuga á þessu og í öðru lagi er til­bú­inn að borga fyrir það og koma með beina fjár­fest­ingu inn,“ segir Hilmar Sig­urðs­son for­stjóri Sagafilm í sam­tali við Kjarn­ann. Hann segir að Sagafilm hafi verið í örum vexti und­an­farin ár og að fjár­fest­ing Beta-­sam­steypunnar sé stað­fest­ing á því að áætl­anir fyr­ir­tæk­is­ins hafi verið að virka.

Beta Film er sem áður segir stærsta fyr­ir­tækið í kvik­mynda- og sjón­varps­fram­leiðslu í Evr­ópu og hefur verið starf­andi frá 1953. „Þetta er alveg risa­fyr­ir­tæki, með skrif­stofur út um alla Evr­ópu og Amer­íku og Suð­ur­-Am­er­íku. Beta Nor­dic Studios er svo nor­ræni vink­ill­inn þeirra,“ segir Hilm­ar.

„Þetta styrkir okkur í dreif­ingu, það er alveg ljóst, en okkur finnst líka mik­il­vægt að við munum halda áfram að vinna með sömu sam­starfs­að­ilum í verk­efnum og við höfum verið að gera. En þetta styrkir okkur í dreif­ingu og það efni sem er til hérna mun koma til með að verða boðið víðar en núna er. Það er hluti af þessu mark­miði og að halda áfram að fram­leiða hágæða sjón­varps- og kvik­mynda­efn­i,“ segir Hilm­ar.

Fyrst var greint frá kaup­unum á vefnum Vari­ety í dag, en þar var haft eftir Justus Ries­en­kampff, sem stýrir Norð­ur- og Nið­ur­landa­deild­inni hjá Beta Film að það sé mik­il­vægt að hafa snertifleti við Skand­in­avíu fyrir þýskt fyr­ir­tæki. „Við höfum kom­ist að því að Norð­ur­löndin fram­leiðar sumar af vin­sæl­ustu drama­ser­íum heims­ins á öðrum tungu­málum en ensku, rétt á eftir spænskum þátta­röð­u­m,“ segir Ries­en­kampff. Hann mun taka sæti í stjórn Sagafilm og það mun fram­kvæmda­stjóri Beta Nor­dic Studi­os, Martin Håkans­son, einnig gera.

Ekki er gert ráð fyrir að kaupin hafi í för með sér neinar breyt­ingar á starf­semi Sagafilm, sem var stofnað árið 1978. Eig­endur Sagafilm eru KPR ehf. og HilGun ehf. og nú Beta Nor­dic Studi­os. Félagið velti 2,3 millj­örðum á árinu 2019 og skil­aði hagn­að­i. 

Sagafilm fram­leiðir hvers kyns kvik­myndir og sjón­varps­efni, auk þess að sinna þjón­ustu við erlend verk­efni og aug­lýs­ing­ar. Sam­kvæmt frétta­til­kynn­ingu frá Sagafilm er félagið með fjögur stór verk­efni á mis­mun­andi stöðum í fram­leiðslu og þar af tvö í tökum um þessar mund­ir, en næsta frum­sýn­ing hjá Sagafilm er sjón­varps­þátta­röðin Ráð­herr­ann með Ólafi Darra Ólafs­syni í aðal­hlut­verki. Sýn­ingar hefj­ast á RÚV þann 20. sept­em­ber og í kjöl­farið víða um heim.