ASÍ telur for­sendur lífs­kjara­samn­ings­ins, sem var und­ir­rit­aður í fyrra, hafa stað­ist og telja ekki til­efni til að segja honum upp á þessum tíma­punkti. Þetta kemur fram í frétta­til­kynn­ingu frá sam­band­in­u. 

í til­kynn­ing­unni er vitnað í Drífu Snædal, for­seta ASÍ, þar sem hún segir verka­lýðs­hreyf­ing­una munu sýna ábyrgð á erf­iðum tímum og hafa boðið frið og fyr­ir­sjá­an­leika á vinnu­mark­að­i. 

Þrjár for­sendur að baki lífs­kjara­samn­ings­ins voru til skoð­unar hjá ASÍ, en það var aukn­ing kaup­mátt­ar, lækkun vaxta og fyr­ir­heit stjórn­valda um að vinda ofan af verð­trygg­ing­unn­i. 

Sam­kvæmt frétta­til­kynn­ingu ASÍ héldu allar ofan­greindar for­send­ur, og vís­aði sam­bandið í 4,8 pró­senta kaup­mátt­ar­aukn­ingu  og 3,5 pró­sentu­stiga vaxta­lækkun það sem af er samn­ings­tím­an­um.

Alþýðu­sam­bandið sagði þó stjórn­völd ekki hafa stað­ist ákvæðið um bann á 40 ára verð­tryggðum lán­um, en bætti þó við að frum­varp sem tekur á því máli verða lagt fram á kom­andi haust­þingi. ASÍ telur fram­lagn­ingu frum­varps­ins fela í sér efndir á yfir­lýs­ingum rík­is­stjórn­ar­innar frá því í fyrra.