Sótt­varn­ar­læknir mun leggja til hertra aðgerða á höf­uð­borg­ar­svæð­inu gegn útbreiðslu kór­ónu­veirunn­ar, auk þess sem rík­is­lög­reglu­stjóri mun senda frá sér til­mæli um hertar ein­stak­lings­bundnar sótt­varn­ar­að­gerð­ir. Til­mælin snúa að því að tak­marka ýmsa hópa­myndun auk þess sem hvatt er til þess að öllum við­burðum verði frestað næstu tvær vik­ur.

Þetta kom fyrst fram í við­tali hjá RÚV við Víði Reyn­is­son, yfir­lög­reglu­þjón almanna­varn­ar­deild­ar, fyrr í dag. Í því segir Víðir ekki til um hve mikið af þeim til­mælum muni rata inn í minn­is­blað sótt­varn­ar­læknis sem regl­ur.

Rík­is­lög­reglu­stjóri mælist til þess að íbúar höf­uð­borg­ar­svæð­is­ins:

• Veri eins mikið heima­við og hægt er
• Veri ekki á ferð­inni til eða frá höf­uð­borg­ar­svæð­inu meira en nauð­syn­legt er
• Tak­marki fjölda í búð­um, þannig að helst einn úr fjöl­skyldu fari
• Tak­marki enn frekar heim­sóknir til við­kvæmra hópa
• Fresti öllum við­burðum næstu tvær vik­urnar
• Geri hlé á starf­semi hvers kyns íþrótta-, tóm­stunda- og úti­vist­ar­hópa
• Sleppi því að fara í sund nema ef þeir þurfa heilsu sinnar vegna
• Tryggi að allir staðir og versl­anir sem opnir eru á höf­uð­borg­ar­svæð­inu tryggi fjölda­tak­mark­anir eins vel og unnt er sem og hand­spritt fyrir alla.

Víðir segir það einnig vera til athug­unar að gera hlé á íþrótta­starfi á höf­uð­borg­ar­svæð­inu næstu tvær vik­ur. 

Farið verður yfir til­mælin nánar á upp­lýs­inga­fundi Almanna­varna klukkan þrjú í dag.