Þórólfur Guðna­son sótt­varn­ar­læknir mun síðar í dag senda til­lögu til Svan­dísar Svav­ars­dóttur heil­brigð­is­ráð­herra um hert­ari aðgerðir á höf­uð­borg­ar­svæð­inu vegna aukn­ingar á kór­ónu­veirusmitum und­an­farna daga. 

Í til­lögum Þór­ólfs er lagt til að nánd­ar­mörk á höf­uð­borg­ar­svæð­inu verði aftur tveir metr­ar, en á öðrum stöðum á land­inu verði þau áfram einn metri. Áfram verður 20 manna sam­komu­há­mark, með þeim und­an­tekn­ingum að 50 manns mega vera við kirkju­legar útfarir og 30 manns mega koma saman í skóla­starfi í fram­halds- og háskól­u­m. 

Þá mun sótt­varn­ar­læknir gera til­lögu um að loka ýmis­konar starf­semi tíma­bundið og að öll keppn­is­starfi í íþróttum á höf­uð­borg­ar­svæð­inu verði frestað í tvær vik­ur. Veit­inga­staðir munu mega hafa opið til klukkan 21 í stað 23 og hert verður á skyldu á notkun and­lits­gríma. Þórólfur vildi ekki svara því hvaða starf­semi það yrði sem myndi þurfa að loka fyrr en að heil­brigð­is­ráð­herra fái að lesa til­lögur hans, en sagði að þar væri undir ýmis­konar ein­yrkja­starf­sem­i. 

„Það eru von­brigði að við þurfum að grípa til þess­ara aðgerða, en ég held að það sé nauð­syn­legt í ljósi þró­unar far­ald­urs­ins, sér­stak­lega hér á höf­uð­borg­ar­svæð­in­u,“ sagði Þórólfur á upp­lýs­inga­fundi almanna­varna sem hófst núna rétt eftir klukkan 15 í dag.

Þórólfur von­ast til þess að hertar aðgerðir muni taka gildi sem allra fyrst.

Víðir Reyn­is­son, yfir­­lög­­reglu­­þjón almanna­varn­­ar­­deild­­ar, sagði að það þyrfti að skoða það sér­stak­lega hvort að lands­leikur Íslands og Rúm­en­íu, sem á að fara fram í vik­unni, fái að fara fram. Knatt­spyrnu­sam­band Íslands hafi gert stjórn­völdum grein fyrir því að leik­ur­inn gæti haft í för með sér millj­arða króna ávinn­ing fari hann vel og því sé spurn­ing um hvort að hann eigi að skil­grein­ast sem þjóð­hags­lega mik­il­vægur atburð­ur, og gæti þar með verið und­an­skil­inn því ­tíma­bund­an ­banni sem lagt er til að leggja á keppn­is­í­þróttir á höf­uð­borg­ar­svæð­inu.

Til­mæli um ein­stak­lings­bundnar sótt­varn­ar­að­gerðir

Auk þeirra hertu aðgerða sem sótt­varn­ar­læknir mun í dag leggja til hefur rík­is­lög­reglu­stjóri sent frá sér til­­­mæli um hertar ein­stak­l­ings­bundnar sótt­­varn­­ar­að­­gerð­­ir. Til­­­mælin snúa að því að tak­­marka ýmsa hópa­myndun auk þess sem hvatt er til þess að öllum við­­burðum verði frestað næstu tvær vik­­ur.

Rík­­is­lög­­reglu­­stjóri mælist til þess að íbúar höf­uð­­borg­­ar­­svæð­is­ins:

• Veri eins mikið heima við og hægt er
• Veri ekki á ferð­inni til eða frá höf­uð­­borg­­ar­­svæð­inu meira en nauð­­syn­­legt er
• Tak­­marki fjölda í búð­um, þannig að helst einn úr fjöl­­skyldu fari
• Tak­­marki enn frekar heim­­sóknir til við­­kvæmra hópa
• Fresti öllum við­­burðum næstu tvær vik­­urnar
• Geri hlé á starf­­semi hvers kyns íþrótta-, tóm­­stunda- og úti­­vist­­ar­hópa
• Sleppi því að fara í sund nema ef þeir þurfa heilsu sinnar vegna
• Tryggi að allir staðir og versl­­anir sem opnir eru á höf­uð­­borg­­ar­­svæð­inu tryggi fjölda­tak­­mark­­anir eins vel og unnt er sem og hand­­spritt fyrir alla.

99 smit í gær

Frá því fyrsta smitið af kór­ón­u­veirunni var greint hér á landi þann 28. febr­­úar hafa 3.079 greinst með COVID-19, yfir 140 verið lagðir inn á sjúkra­hús og tíu lát­ist. Í gær greindust 99 smit inn­­an­lands sem er mesti fjöldi á einum sól­­­ar­hring frá því þriðja bylgja far­ald­­ur­s­ins hófst um miðjan sept­­em­ber.  Fjórir liggja nú á gjör­­gæslu­­deild Land­­spít­­al­ans vegna sjúk­­dóms­ins.

221 dagur er lið­inn frá því að COVID-19 greind­ist í fyrsta sinn hér á landi. Og 195 dagar eru síðan met­fjöldi nýrra smita greind­ist: 106 til­­­felli af COVID-19 greindust á einum sól­­­ar­hring. Fjöld­inn fór aldrei aftur yfir 100 í fyrstu bylgju far­ald­­ur­s­ins. Flest urðu þau 99 eftir þetta og það gerð­ist þann 1. apr­íl.