Vara­for­setum Alþýðu­sam­bands Íslands (ASÍ) verður fjölgað úr tveimur í þrjá, að því er fram kemur í til­kynn­ingu frá sam­band­inu í dag. Þetta var sam­þykkt á 44. þingi ASÍ sem haldið var í 300 manna fjar­fundi í dag.

Ragnar Þór Ing­ólfs­son, for­maður VR, var einn í fram­boði fyrir nýja emb­ættið og var hann því sjálf­kjör­inn. Hann var áður í mið­stjórn ASÍ en sagði sig úr henni fyrr á þessu ári. 

Ekki bár­ust nein mót­fram­boð um emb­ætti for­seta ASÍ, 1. vara­for­seta né 2. vara­for­seta og eru Drífa Snædal, Krist­ján Þórður Snæ­bjarn­ar­son og Sól­veig Anna Jóns­dóttir því sjálf­kjörin í þau emb­ætti. Þá voru 11 ein­stak­lingar sem kjör­nefnd gerði til­lögu um, sjálf­kjörnir sem aðal­menn í mið­stjórn þar sem engin mót­fram­boð bárust, sam­kvæmt til­kynn­ingu ASÍ. 

• Drífa Snædal, for­seti ASÍ
• Krist­ján Þórður Snæ­bjarn­ar­son, Félag Raf­einda­virkja, 1. vara­for­seti
• Sól­veig Anna Jóns­dótt­ir, Efl­ing stétt­ar­fé­lag, 2. vara­for­seti
• Ragnar Þór Ing­ólfs­son, VR, 3. vara­for­seti 

• Hjör­dís Þóra Sig­þórs­dótt­ir, AFL – starfs­greina­fé­lag
• Hörður Guð­brands­son, Verka­lýðs­fé­lag Grinda­víkur
• Val­mundur Val­mund­ar­son, Sjó­manna­fé­lagið Jöt­un 
• Guð­mundur Helgi Þór­ar­ins­son, Félag vél­stjóra og málm­tækni­manna 
• Björn Snæ­björns­son, Ein­ing – Iðja
• Eiður Stef­áns­son, Félag versl­unar og skrif­stofu­fólks Akur­eyri
• Finn­bogi Svein­björns­son, Verka­lýðs­fé­lag Vest­firð­inga 
• Hall­dóra Sveins­dótt­ir, Báran - stétt­ar­fé­lag
• Hilmar Harð­ar­son, Félag iðn- og tækni­greina
• Harpa Sæv­ars­dótt­ir, VR
• Helga Ing­ólfs­dótt­ir, VR

Lofar að berj­ast fyrir hags­munum verka- og lág­launa­fólks

Sól­veig Anna Jóns­dótt­ir, for­maður Efl­ing­ar, óskar Drífu Snæ­dal til ham­ingju með end­ur­kjörið á Face­book í dag. 

„Einnig óska ég Krist­jáni Þórði og Ragn­ari Þór til ham­ingju með að hafa verið kjörnir í emb­ætti 1. og 3. vara­for­seta ASÍ, sem og öllum með­limum í nýrri mið­stjórn. Og ég þakka inni­lega traustið sem mér er sýnt til að halda áfram að starfa sem 2. vara­for­seti ASÍ. Ég lofa að gera allt sem í mínu valdi stendur til að berj­ast fyrir hags­munum verka og lág­launa­fólks á Ísland­i.“