Heiðrún Lind Mart­eins­dótt­ir, fram­kvæmda­stjóri Sam­taka fyr­ir­tækja í sjáv­ar­út­vegi, segir að um borð í Júl­íusi Geir­munds­syni hafi ekki verið farið að útgefnum leið­bein­ingum um við­brögð ef grunur um smit af kór­ónu­veirunni vakn­ar. Leið­bein­ing­arnar voru samdar sam­eig­in­lega af SFS og stétt­ar­fé­lögum sjó­manna í sam­starfi við emb­ætti land­læknis og voru þær sendar á útgerð­ar­fyr­ir­tæk­in.

„Um borð í skipum er nánd mikil á milli manna og veik­indi geta hæg­lega borist út, eins og því miður sýndi sig í þessu til­felli,“ skrifar Heiðrún Lind í yfir­lýs­ingu. „Í til­felli Júl­í­usar Geir­munds­sonar var ekki farið eftir þessum leið­bein­ing­um. Sam­kvæmt þeim hefði átt að hafa sam­band við Land­helg­is­gæsl­una þegar veik­inda varð vart og þar með hefði málið verið komið í réttan far­veg. Á þessum mis­bresti verða skip­stjóri og útgerð skips­ins að axla ábyrgð.“

Hrað­frysti­hús­ið-G­unn­vör hf., sem gerir út Júl­íus Geir­munds­son, sendi frá sér yfir­lýs­ingu í morgun þar sem beðist er afsök­unar á því að ekki hafi verið haft sam­band við Gæsl­una eins og leið­bein­ingar gerðu ráð fyr­ir. Einnig kom fram að útgerð­inni þætti „þung­bært að sitja undir ásök­unum um að van­rækja heilsu og öryggi sjó­manna“.  Þessi yfir­lýs­ing var birt á vef útgerð­ar­innar og þar sett fram í nafni Ein­ars Vals Krist­jáns­son­ar, fram­kvæmda­stjóra HG. Vísir greinir hins vegar frá því að í wor­d-skjali sem sent hafi verið með yfir­lýs­ing­unni á suma fjöl­miðla í morg­un, hafi Heiðrún Lind, fram­kvæmda­stjóri SFS, verið skráður höf­undur skjals­ins.

´

Í yfir­lýs­ingu SFS sem fylgdi í kjöl­farið í nafni Heiðrúnar Lind­ar, talar hún um mik­il­vægi þess að sam­skipti útgerða og sjó­manna séu góð, sér­stak­lega þegar í hlut eigi frysti­skip sem eru lengi á sjó. „Þetta mál hefur skaðað þessi sam­skipti. SFS hyggj­ast ræða málið við for­ystu­menn stétt­ar­fé­laga sjó­manna á næstu dög­um. Mik­il­vægt er að greina hvað fór úrskeiðis og læra af því. Raunir þess­ara skip­verja á Júl­íusi Geir­munds­syni mega ekki end­ur­taka sig á íslenskum skip­um.“

Krist­ján Þór Júl­í­us­son sjáv­ar­út­vegs­ráð­herra var spurður út í málið í Silfr­inu í morgun og sér­stak­lega um þátt SFS í því og nýlegan sam­fé­lags­sátt­mála sem sjáv­ar­út­vegs­fyr­ir­tæki, m.a. Hrað­frysti­hús­ið-G­unn­vör skrifar und­ir. Í sátt­mál­anum er sér­stak­lega talað um örygg­is­mál sjó­manna og spurði Fanney Birna Jóns­dótt­ir, stjórn­andi Silf­urs­ins, ráð­herr­ann hvort að hægt væri að taka plaggið alvar­lega í ljósi þess sem nú hefur komið á dag­inn. „Ég held að það sé ágætt að taka þetta mál sem dæmi um það hvers vegna Sam­tök fyr­ir­tækja í sjáv­ar­út­vegi eru að setja sér stefnu í þessum efn­um. Og maður hefði ályktað sem svo, og ég ætla ekk­ert að draga það í efa, að það sé fullur vilji sam­tak­anna að gera brag­ar­bót í þessum efn­um. Það er virð­ing­ar­vert að sam­tökin setji sér ein­hverja stefnu. Ég ætla þá að vona að það verði dreg­inn ein­hver lær­dómur af þessu máli, að það verði próf­mál í þá veru að bæta með­ferð þess­ara mála. Því á engan hátt getur þetta mál, sem að sem hefur leitt til þess­arar miklu umræðu og öllum er brugðið sem fylgst hafa með, getur ekki verið for­dæmi fyrir nokkurn skap­aðan hlut í góðum sam­skiptum eða sam­fé­lags­á­byrgð.“