Páll Matth­í­as­son for­stjóri Land­spít­ala segir að hann búist við því spít­al­inn verði færður af neyð­ar­stigi og niður á hættu­stig á allra næstu dög­um. 

Það þýðir að aftur verður hægt að fram­kvæma svo­kall­aðar val­kvæðar aðgerðir á spít­al­an­um, en þurft hefur að fresta mörg hund­ruð aðgerðum frá því að spít­al­inn var settur á neyð­ar­stig eftir að hópsmit kom upp á Landa­koti.

Þetta kom fram í máli for­stjór­ans á upp­lýs­inga­fundi almanna­varna í dag. Sextán ein­stak­lingar greindust með COVID-19 í gær og þar af voru ein­ungis tveir utan sótt­kví­ar. 

Þórólfur Guðna­son sótt­varna­læknir sagði á fund­inum að þessum tölum þyrfti að taka með fyr­ir­vara, þar sem færri sýni væru tekin um helgar en virka daga, en þó væri ljóst að inn­an­lands­smitum héldi áfram að fækka hægt og bít­andi og það bæri að þakka góðri þátt­töku almenn­ings í sótt­varn­ar­að­gerð­um.

Fimm ein­stak­lingar lét­ust vegna COVID-19 um helg­ina. Í öllum til­fellum var um að ræða eldra fólk, sem smit­að­ist í tengslum við hóp­sýk­ing­una á Landa­koti. Fram kom í máli for­stjóra Land­spít­ala að sjötta and­látið hjá ein­stak­lingi í þessum hópi sjúk­linga væri yfir­vof­and­i.

„Ég vil fyrir hönd alls starfs­fólks Land­spít­ala segja að hugur okkar er hjá aðstand­endum þessa fólks, sem veiran hefur nú lagt af velli,“ sagði Páll.

Skýrsla um Landa­kots­smitið mögu­lega kynnt í lok vik­unnar

Skýrsla Land­spít­ala vegna hópsmits­ins á Landa­koti er til­búin í drögum og verður núna rýnd varð­andi aðferða­fræði og síðan kynnt emb­ætti land­lækn­is. Þegar emb­ætti land­læknis verður búið að koma með sínar athuga­semdir og spurn­ingar verður skýrslan kynnt starfs­fólki Land­spít­ala og síðan almenn­ing­i. 

Páll sagði að skýrslan ætti að vera til­búin til opin­berrar kynn­ingar í fyrsta lagi fyrir lok vik­unn­ar.

Mjög hægt verði farið í allar aflétt­ingar

Þórólfur sótt­varna­læknir sagði á fund­inum í dag að hann teldi að það þyrfti að fara „mjög hægt“ í að aflétta núver­andi sótt­varn­ar­að­gerð­um, sem eru í gildi til 17. nóv­em­ber. 

Spurður að því hvort lækk­andi fjöldi nýsmita gæfi ekki til­efni til þess að skoða að létta á aðgerðum sem nú er í gildi fyrr en áætlað var sagði hann svo ekki vera, að sínu mati. Það væri vont að slaka á aðgerðum of snemma og þurfa svo að herða á aðgerðum aft­ur, ef illa færi.

 „Ég held að það eigi allir að vera undir það búnir að við höfum til­tölu­legar harðar tak­mark­anir áfram,“ sagði Þórólf­ur.