Sam­kvæmt gögnum frá Face­book er fólk á höf­uð­borg­ar­svæð­inu meira á ferð­inni nú en síð­ustu vikur og mán­uði. Hópur vís­inda­manna við Háskóla Íslands, sem gert hefur spálíkan um þróun far­ald­urs kór­ónu­veirunn­ar, segja blikur á lofti – að tæp vika sé til jóla og „greini­legt að umsvif eru að vaxa í þjóð­fé­lag­in­u“.

Margir ótt­ast að fjórða bylgjan skelli á okkur í jan­úar – jafn­vel fyrr – enda sam­komur fólks, þótt smáar séu í snið­um, meiri á aðventu og jólum meiri en síð­ustu vikur og mán­uð­i. 

Í gær greindust 12 manns með COVID-19 hér á landi og fjórir voru utan sótt­kví­ar. Dag­ana þar á undan höfðu færri greinst og hlut­falls­lega fleiri verið í sótt­kví.

Face­book hefur frá því í júní birt gögn um hvernig hreyf­ing­ar­mynstur not­enda er á tímum COVID-19. Í upp­færslu á gögn­unum frá því í gær má sjá hvernig hreyf­ing fólks á höf­uð­borg­ar­svæð­inu hefur verið frá 1. mars til 15. des­em­ber.

„Það er greini­legt hvað dró úr umsvifum í mars, apríl og maí,“ segir í rýni vís­inda­manna HÍ, í gögn Face­book. „Síðan aukast umsvif um sum­ar­ið. Aðeins dró úr í lok júlí en tekur kipp uppá við í ágúst. Um miðjan sept­em­ber dregur svo úr umsvifum en hefur byrjað að leita upp á við í nóv­em­ber og síðan haldið áfram að vaxa í des­em­ber.

Með auknum umsvifum og hreyf­ingu fólks aukast líkur á dreif­ingu veirunn­ar.“

Önnur aðferð til að meta hreyf­ingu fólks á höf­uð­borg­ar­svæð­inu er þegar land­svæði þess er skipt upp í um það bil 600×600 metra ramma. Dag­leg hreyf­ing höf­uð­borg­ar­búa er svo metin út frá því hversu marga ramma þeir heim­sækja. 

Um það bil fjórð­ungur hélt sig innan ramma í fyrstu bylgju far­ald­urs­ins. Svo lækk­aði það hlut­fall er smitum fækk­aði veru­lega í sumar en hækk­aði aftur í þriðju bylgju. „Und­an­farið hefur þetta hlut­fall lækkað aftur sem sýnir að fólk er meira á ferð­inni og dreifir sér meira,“ segja vís­inda­menn HÍ í rýni sinni. „Nú reynir á að draga úr umsvifum eins og kostur er.“

Nánar má lesa um aðferð­ar­fræð­ina hér.

Gögn Face­book má nálg­ast hér.