Álagið er mikið á starfs­fólki flug­stöðvar Leifs Eiríks­son­ar, sér­stak­lega á sunnu­dögum þegar að með­al­tali 22.000 manns fara í gegnum hús­ið. Guðni Sig­urðs­son, upp­lýs­inga­full­trúi Isa­via, seg­ist þegar merkja um 20 pró­sent fjölgun ferða­manna milli ára í júlí. Ferða­fólki á leið í gegnum Leifs­stöð hefur fjölgað um 29 pró­sent frá ára­mót­um, miðað við sama tíma­bil í fyrra.

Aukn­ing ferða­manna í júní sé miðað við júní í fyrra var 25 pró­sent. Ferða­mála­stofa birti tölur yfir aukn­ing­una í byrjun júlí. Ferða­mönnum hefur fjölgað alla mán­uði árs­ins miðað við árið áður um 20 til 36 pró­sent, eða að jafn­aði um 29 pró­sent. Bara í júní fóru 137.000 ferða­menn um flug­stöð­ina. Guðni segir einnig mikla aukn­ingu í júlí og telur hana vera um 20 pró­sent.

Til þess að mæta þessum aukna straumi ferða­manna í gegnum flug­stöð­ina hér á Íslandi hefur Isa­via ráð­ist umfangs­miklar end­ur­bætur og stækk­anir í Leifs­stöð. Nú er búið að reisa heila nýja álmu sem er um 5.000 fer­metrar að flat­ar­máli. Hún er að sögn Guðna til­búin að utan en tal­verð vinna á eftir að fara fram við inn­rétt­ing­ar.

Áætluð verk­lok eru í maí 2016 eins og lagt var upp með. Flug­stöðin var fyrir um 56.000 fer­metrar svo verið er að stækka hana um tæp­lega tíu pró­sent. Fram­kvæmdin kostar um það bil 2,6 millj­arða íslenskra króna. Stækk­unin er yst í flug­stöð­inni eða á svæð­inu sem þjónar far­þegum á leið til eða fra löndum utan Schengen.

Þá er einnig unnið að stækkun komusal­ar­ins um 700 fer­metra. Þar á að fjölga far­ang­urs­beltum og gera aðstöðu fyrir aftan toll­hliðin betri fyrir aðstand­endur ferða­langa.