Aðal­með­ferð í máli sér­staks sak­sókn­ara á hendur tólf starfs­mönnum Húsa­smiðj­unn­ar, Byko og Úlfs­ins bygg­inga­vara hófst í dóm­sal 101 í Hér­aðs­dómi Reykja­víkur í gær­morg­un. Starfs­menn­irnir eru ákærðir fyrir sam­keppn­islaga­brot vegna meints verð­sam­ráðs á árunum 2010 og 2011. Ákæru sér­staks sak­sókn­ara í mál­inu er hægt að nálg­ast hér.

Rann­sókn á meintum brotum starfs­mann­anna hófst í mars 2011 þegar Sam­keppn­is­eft­ir­litið og efna­hags­brota­deild rík­is­lög­reglu­stjóra fram­kvæmdu hús­leitir hjá Byko, Húsa­smiðj­unni og Úlf­in­um. Málið er gíð­ar­lega umfangs­mikið og skjala­fjöld­inn tæp­lega fimm þús­und blað­síð­ur. Á meðal sönn­un­ar­gagna ákæru­valds­ins í mál­inu eru tölvu­póstar og sím­töl á milli starfs­manna.

Málið var höfðað og þing­fest fyrir Hér­aðs­dómi Reykja­ness, þar sem fram fór fyr­ir­taka í mál­inu þann 20. nóv­em­ber síð­ast­lið­inn. Aðal­með­ferð máls­ins var þá flutt yfir í Hér­aðs­dóm Reykja­víkur vegna fjölda sak­born­inga. Vegna þessa er hvorki minnst á aðal­með­ferð í mál­inu í dag­skrá Hér­aðs­dóms Reykja­ness né Hér­aðs­dóms Reykja­vík­ur.

Aðal­með­ferð­inni var fram­haldið í morgun og stendur hún til hádegis sam­kvæmt heim­ildum Kjarn­ans. Við­búið er að aðal­með­ferð máls­ins muni ekki ljúka fyrr en í lok næstu viku.