Grikk­land þarf 50 millj­arða evra til við­bótar næstu þrjú árin og viða­mikla nið­ur­fell­ingu skulda til þess að ná jafn­vægi í hag­kerfið og skapa and­rúm. Þetta segir Alþjóða­gjald­eyr­is­sjóð­ur­inn (AGS) í dag en aðeins þrír dagar eru til stefnu áður þjóð­ar­at­kvæða­greiðsla fer fram í Grikk­landi um til­lögur lán­ar­drottna þeirra.

AGS varar jafn­framt við því að skuldir Grikkja séu ósjálf­bær­ar, og er því ósam­mála leið­togum Evr­ópu­sam­bands­ins og þykir hafa sent þeim sterk skila­boð með þess­ari yfir­lýs­ingu sinni. Sam­kvæmt sjóðnum þyrfti Grikk­land að fá 20 ára frest til að byrja að borga skuldir til baka og að loka­greiðslur á neyð­ar­lánum þeirra yrðu ekki borg­aðar fyrr en árið 2055.

Sjóð­ur­inn segir einnig að lík­lega sé nauð­syn­legt að færa lán Grikkja niður um 30% af þjóð­ar­tekjum þeirra.

Þá kemur fram í yfir­lýs­ingu AGS að þetta mat á sjálf­bærni gríska hag­kerf­is­ins hefði ekki verið sam­þykkt af öðrum aðilum máls­ins, sem er í raun við­ur­kenn­ing á því að lán­ar­drottnar Grikkja eru ósam­mála um nauð­syn þess að fella niður skuld­ir.