Sig­rún Magn­ús­dóttir umhverf­is­ráð­herra hefur gert sam­komu­lag við meiri­hluta atvinnu­vega­nefndar um að Haga­vatns­virkjun verði ekki sett í nýt­ing­ar­flokk í ramma­á­ætl­un, eins og breyt­ing­ar­til­laga nefnd­ar­innar sagði til um og hefur mjög verið deilt um und­an­farna daga. ­Meiri­hluti nefnd­ar­innar hafði lagt til að fjórum virkj­unum yrði bætt við til­lögu umhverf­is­ráð­herra um að setja Hvamms­virkjun í nýt­ing­ar­flokk. Þar af var Haga­vatns­virkj­un, sem verk­efn­is­stjórn um ramma­á­ætlun hefur ekki lokið sinni umfjöllun um.

Það var Sig­mundur Davíð Gunn­laugs­son for­sæt­is­ráð­herra sem sagði þing­heimi frá þessum breyt­ingum í svari við óund­ir­bú­inni fyr­ir­spurn frá Guð­mundi Stein­gríms­syni, þing­manni Bjartrar fram­tíð­ar, um ramma­á­ætl­un. Áður en að fyr­ir­spurn Guð­mundar kom hafði málið verið rætt undir liðnum fund­ar­stjórn for­seta í tæpa klukku­stund, og und­an­farna tvo þingdaga sömu­leið­is.

Þing­menn stjórn­ar­and­stöð­unnar lýstu í morgun yfir mik­illi óánægju með það að breyt­ing­ar­til­laga atvinnu­vega­nefndar um ramma­á­ætlun væri á dag­skrá þriðja dag­inn í röð. Það væri mikið ósætti með málið og tíma­eyðsla að halda áfram að tala um það.

Það kom því stjórn­ar­and­stöð­unni á óvart að for­sæt­is­ráð­herra til­kynnti um þetta sam­komu­lag milli umhverf­is­ráð­herra og meiri­hluta atvinnu­vega­nefndar í óund­ir­bú­inni fyr­ir­spurn. „Það er sem sagt búið að gera sam­komu­lag um að breyta breyt­ing­ar­til­lög­unni sem við áttum að ræða hér í dag. Hvenær átti að segja okkur þetta? Hvar eru þessar ákvarð­anir tekn­ar? [...] Þetta er orð­inn farsi,“ sagði Guð­mundur Stein­gríms­son.