Guð­last er ekki lengur refsi­vert á Íslandi eftir að Alþingi sam­þykkti laga­frum­varp Pírata um að 125 gr. almennra hegn­ing­ar­laga yrði felld brott. Á blogg­i P­írata er dag­ur­inn í dag kall­aður „mik­ill gleði­dagur fyrir bæði húmorista og alla vini tján­ing­ar­frels­ins.“

Í almennum hegn­ing­ar­lögum frá árinu 1940 var það gert heim­ilt að fang­elsa og sekta hvern þann sem smán­aði trú­ar­kenn­ingar eða guðs­dýrkun lög­legra trú­ar­bragða­fé­laga. Í grein­ar­gerð með laga­breyt­ing­ar­til­lögu Pírata segir að til­efni þessa frum­varps sé árásin á rit­stjórn Charlie Hebdo í París í jan­ú­ar.

„[...] er talið að til­efni árás­ar­innar sé m.a. það að útgáfan hefur birt teikn­ingar af Múhameð spá­mann­i,“ segir í greina­gerð­inni og að flutn­ings­menn frum­varps­ins vilji með þessu biðja Alþingi að leggja sitt af mörkum við að koma þeim skila­boðum á fram­færi að tján­ing­ar­frelsið muni „aldrei lúta fyrir mann­dráp­um, ofbeldi eða hót­un­um.“

Píratar benda jafn­framt á að íslensk lög­gjöf hafi verið gagn­rýnd af alþjóða­stofn­unum fyrir ýmsa van­kanta, þar á meðal það að svipta megi fólk frelsi fyrir „ólög­mæta tján­ingu, þar á meðal guð­last.“

Laga­greinin sem nú hefur verið felld á brott var svohljóð­andi í almennum hegn­ing­ar­lögum (125 gr. í lögum nr. 19 frá árinu 1940): „Hver, sem opin­ber­lega dregur dár að eða smánar trú­ar­kenn­ingar eða guðs­dýrkun lög­legs trú­ar­bragða­fé­lags, sem er hér á landi, skal sæta sektum eða [fang­elsi allt að 3 mán­uð­u­m]. ­Mál skal ekki höfða, nema að fyr­ir­lagi sak­sókn­ara.“