Apple heldur sína reglu­legu kynn­ingu á nýjum vörum í San Francisco í dag. Eins og venju­lega gerir áhuga­fólk um tækni ráð fyrir að Tim Cook, for­stjóri fyr­ir­tæk­is­ins, kynni til leiks ný tæki eða upp­færslur á eldri vörum banda­ríska tölvuris­ans. En hvers má vænta frá Apple á kom­andi vetri?

Talið er að á þess­ari kynn­ingu muni Apple kynna til leiks næstu kyn­slóð iPho­ne-síma, týpu 6s og 6s Plus, upp­færslu á spjald­tölv­unni í iPad Pro og nýjan iPad Mini. Þá er talið að nýtt Apple TV muni líta dags­ins ljós þar sem við­skipta­vinum Apple verði boðið að streyma sjón­varp­stöðvum yfir inter­net­ið. Auk þess er talið að Cook muni kynna nýja týpu App­le-úrs­ins og upp­færslu stýri­kerfa fyrir snjall­tækin um leið.

Aðeins er um orðróma að ræða enda hefur Apple haldið fast um spilin und­an­farin ár; sér­stak­lega eftir að sam­keppnin jókst á snjall­tækja­mark­aði frá stórum tölvu­fyr­ir­tækjum á borð við Sam­sung. Það sem vakið hefur sér­staka athygli spek­úlanta fyrir kynn­ing­una í dag er kynn­ing­ar­efn­ið. Það eina sem stendur þar er: „Hey Siri, give us a hin­t“. Siri er radd­stjórn­aður róbot í stýri­kerf­inu fyrir snjall­tækin og hefur það vakið spurn­ingar um hvort Siri fái upp­færslu í takti við nýlega bylt­ingu Google í lærðri gervi­greind tölva.

Kynn­ingin hefst klukkan 17 að íslenskum tíma og er hægt að fylgj­ast með henni í beinni útsend­ingu á vef Apple. Tækni­varpið mun fjalla um kynn­ing­una og þær nýj­ungar sem verða kynntar í Hlað­varpi Kjarn­ans á morg­un. Á meðan kynn­ingin stendur yfir má fylgj­ast með MacRumors á Twitter draga aðal­at­riðin frá hefð­bund­inni lof­ræðu fyr­ir­les­ar­anna.

Nýj­ung­arnar

Talið er að iPhone 6s og 6s Plus verði kynntir til leiks sem nýjasta kyn­slóð þessa vin­sælasta far­síma í heimi. Sím­arnir munu líta svipað út og síð­asta kyn­slóð, sem kynnt var fyrir réttu ári síð­an, en vera búnir ýmsum tækni­legum nýj­ung­um. Spek­úlantar telja sím­ana verða búna nýjum A9 örgörva sem mun gera tækið fljót­ara að vinna úr skip­unum og geta tek­ist á við flókn­ari verk­efni.

https://yout­u.be/RNsKs­BU5Tf8

Þá er lík­legt að snert­iskjár­inn muni skilja hversu fast not­and­inn ýtir á hann með tækni sem kölluð hefur verið „Force Touch“. Mynda­vél­arnar verða líka upp­færðar og úr 8 og 1,2 milljón punkta mynda­vélum síð­ustu kyn­slóðar í 12 og 5 milljón punkta.

https://yout­u.be/_M­Kcg9ux­vyU

Nýtt Apple TV verður mun að öllum lík­indum hafa mun fjöl­breytt­ari notk­un­ar­mögu­leika en síð­asta kyn­slóð og bjóða not­endum að horfa á sjón­varps­út­send­ingar yfir inter­net­ið, ekki ósvipað þeirri tækni sem við hér á Íslandi finnum í afrugl­urum frá bæði Sím­anum og Voda­fo­ne. Þá verður hugs­an­lega hægt að radd­stýra tæk­inu með Siri.

Sala á spjald­tölvum hefur staðnað nokkuð eftir að stærstu síma­fram­leið­endur hófu að fram­leiða stóra, sex tommu síma á borð við Sam­sung Galaxy Note 4 og iPhone 6 Plus. Talið er að Apple muni kynna iPad Pro í dag. Síð­asti iPad var kynntur í októ­ber í fyrra en þessi nýi verður stærri; heilar 13 tomm­ur. Sam­kvæmt orðróm­inum fær spjald­tölvan miklar tækni­legar upp­færsl­ur. Víð­óma hátal­arar á báðum hlið­um, öfl­ugri A9 örgörvi, Force Touch og (reyndar ólík­lega) USB-tengi til þess að fjölga notk­un­ar­mögu­leikum tölv­un­ar.

https://yout­u.be/r­MjJeBi­uPjI