Apple seldi 74,5 millj­ónir iPhone síma á síð­ustu þremur mán­uðum árs­ins í fyrra, og mun­aði þar ekki síst um mikla sölu fyrir jólin í des­em­ber. Þessi sala var langt umfram vænt­ingar grein­enda á mark­aði sem skil­aði fyr­ir­tæk­inu met­upp­gjöri. Heild­ar­tekjur fyr­ir­tæk­is­ins á síð­asta fjórð­ungi árs­ins voru 74,6 millj­arðar Banda­ríkja­dala, eða sem nemur tæp­lega 9.700 millj­örðum króna. Hagn­að­ur­inn á fjórð­ungnum nam ríf­lega átján millj­örðum Banda­ríkja­dala, eða um 2.340 millj­örðum króna.

Þetta þýðir að Apple seldi ríf­lega 827 þús­und iPhone síma á degi hverj­um, að með­al­tali, á síð­ustu þremur mán­uðum árs­ins.

Apple seldi að með­al­tali ríf­lega 827 þús­und síma á hverjum degi, síð­ustu þrjá mán­uði árs­ins í fyrra. Salan náði hámarki í kringum jól­in.

Í til­kynn­ingu með upp­gjöri félags­ins fyrir þessa þrjá mik­il­vægu mán­uði í starf­semi fél­gasins er haft eftir Tim Cook, for­stjóra App­le, að eft­ir­spurnin eftir iPhone 6 símum Apple væri gríð­ar­lega mik­il, og þessi mikla sala á tækjum á síð­ustu mán­uðum árs­ins væri til marks um það.

Apple hafði sjálft gefið út í rekstr­á­ætl­unum að heild­ar­tekjur á síð­ustu þremur mán­uðum árs­ins gætu orðið á biliu 52 til 55 millj­arðar Banda­ríkja­dala, sam­kvæmt umfjöllun Inc.

Apple er nú verð­mætasta hluta­fé­lag í heimi, en mark­aðsvirði þess nemur nú um 651 millj­arði Banda­ríkja­dala, en mark­aðsvirði félags­ins jókst um næstum 50 pró­sent í fyrra.