Skoða ætti þann mögu­leika að allir Íslend­ingar geti beint og milli­liða­laust eign­ast hlut í Íslands­banka eða Lands­bank­an­um. Slíkur sam­fé­lags­banki gæti orðið skyn­sam­leg aðgerð bæði efna­hags­lega og lýð­ræð­is­lega. Þetta segir Ásmundur Einar Daða­son, þing­maður Fram­sókn­ar­flokks­ins, í grein á vef­síðu flokks­ins.

Ásmundur Einar gerir til­lögu kröfu­hafa Glitnis um að afhenda rík­inu allt hlutafé í Íslands­banka að umtals­efni í grein­inni, og það að vænt­an­lega muni íslenska ríkið eign­ast Íslands­banka á næst­unni. Þá verði það þannig að ríkið eigi tvo af þremur stóru bönk­un­um. „Það er mik­il­vægt að annar þess­ara banka verði að stórum hluta í eigu almenn­ings í land­inu. En í stað þess að ríkið eitt eigi bank­ann þá ættum við að skoða þann mögu­leika að allir Íslend­ingar geti beint og milli­liða­laust eign­ast hlut í öðrum þess­ara banka,“ segir Ásmundur í grein­inni. Í fram­haldi af þessu yrði mótuð stefna sem hefði það mark­mið að bjóða sem hag­kvæm­asta þjón­ustu og tryggja hags­muni almenn­ings.

„Í raun ætti að skoða þann mögu­leika að afhenda almenn­ingi hluta bank­ans gegn skýrum skil­yrðum og á hag­stæðum kjör­um. Verði þetta skoðað þá þarf hins­vegar að móta mjög skýrar og gegn­sæjar reglur sem tryggja að ekki sé um að ræða aðkomu fárra útvaldra og að ekki sé hægt að fram­selja hlut­ina í von um skyndigróða.“

Lengi ljóst að Fram­sókn vill sam­fé­lags­banka

Flokks­þing Fram­sókn­ar­flokks­ins sam­þykkti í vor ályktun um að Lands­bank­inn yrði í rík­i­s­eigu áfram og starfi sem sam­fé­lags­banki.„Lands­bank­inn verði sam­fé­lags­banki í eigu þjóð­ar­innar með það mark­miði að þjóna sam­fé­lag­inu í stað þess að hámarka hagn­að. Til að bregð­ast við fákeppni á banka­mark­aði er nauð­syn­legt að Lands­bank­inn hafi þann til­gang að bjóða góða þjón­ustu á bestu kjörum til að efla sam­keppni í banka­þjón­ustu á lands­vísu. Lands­bank­inn verði bak­hjarl spari­sjóða­kerf­is­ins.“

Sjálf­stæð­is­flokk­ur­inn hefur verið á annarri skoðun og sam­kvæmt drögum að lands­fund­ar­á­lyktun telur flokk­ur­inn enga þörf á því að bankar séu í eigu rík­is­ins. „­Fyr­ir­séð er að eign­ar­hald á bönkum breyt­ist á næstu árum. Lands­fundur áréttar að engin þörf er á eign­ar­haldi rík­is­ins á fjár­mála­fyr­ir­tækjum til lengri tíma lit­ið. Tryggja þarf dreifða eign­ar­að­ild að við­skipta­bönk­um. Mik­il­vægt er að sölu­ferli við­skipta­bank­anna verði opið og gagn­sætt“.