„Að slíkt sam­komu­lag hafi verið til er út í Hróa hött,“ segir Gylfi Arn­björns­son, for­seti Alþýðu­sam­bands Íslands (ASÍ), um ummæli Vig­dísar Hauks­dóttur þess efnis að gervöll verka­lýðs­hreyf­ingin hafi gert þög­ult sam­komu­lag við síð­ustu rík­is­stjórn um að fara ekki í verk­fall á meðan að sú stjórn sat. Þetta kom fram í hádeg­is­fréttum Bylgj­unn­ar.

Gylfi segir ásök­un­ina alveg úr lausu lofti gripna hjá Vig­dísi en að það komi „ekk­ert á óvart kom­andi frá henn­i.“

Gylfi segir síð­ustu rík­is­stjórn Sam­fylk­ingar og Vinstri grænna hafa rekið stefnu í vel­ferð­ar- og skatta­málum sem meiri sátt var um í sam­fé­lag­inu en þá stefnu sem núver­andi rík­is­stjórn rek­ur.

Sagði þegj­andi sam­komu­lag hafa verið við lýði

Vig­dís Hauks­dótt­ir, þing­kona Fram­sókn­ar­flokks­ins og for­maður fjár­laga­nefnd­ar, full­yrti í þætt­inum Eyj­unni á Stöð 2 í gær að sam­komu­lag hafi verið til staðar um að gervöll verka­lýðs­ghreyf­ingin færi ekki í verk­fall á meðan að vinstri stjórn var við völd á síð­asta kjör­tíma­bili. „Það var þegj­andi sam­komu­lag, við vitum það alveg,“ sagði Vig­dís.

Vig­dís Hauks­dótt­ir, for­maður fjár­laga­nefnd­ar, setti ásök­un­ina fram í þætt­inum Eyj­unni í gær.

Hún sagði enn fremur að stað­ans sem væri uppi vegna kjara­deilna og verk­falla væri grafal­var­leg. „Þá er ég fyrst og fremst að tala um þá aðila sem eru rík­is­starfs­menn og halda hér lífi sjúk­linga í herkví, halda hér tveimur land­bún­að­ar­greinum í her­kví lík­a.“

Þar á Vig­dís við verk­föll þeirra stétta sem starfa á Lands­spít­al­anum og þau áhrif sem verk­föll dýra­lækna hafa haft á ali­fugla- og svína­bú, sem geta ekki slátrað og selt ferskt á markað sökum þess. Vig­dís sagð­ist ekki telja að dýra­lækn­ar, og raunar lög­menn hjá Sýslu­mann­inum í Reykja­vík sem eru líka í verk­falli, væru með lág laun.

Hjúkr­un­ar­fræð­ingar á leið­inni í alls­herj­ar­verk­fall

Enn fjölgar þeim stéttum sem eru á leið­inni í verk­fall. Atkvæða­greiðsla um boðun verk­falls hjúkr­un­ar­fræð­inga lauk á mið­nætti, en af þeim 76 pró­sentum félags­manna sem tóku þátt í kosn­ing­unni, voru rúm­lega 90 pró­sent fylgj­andi því að fara í verk­fall.

Ótíma­bundið verk­fall hjúkr­un­ar­fræð­inga hefst því að óbreyttu þann 27. maí næst­kom­andi og mun standa þar til samn­ingar nást. Verk­fallið mun hafa víð­tæk áhrif en það nær meðal ann­ars til allra hjúkr­un­ar­fræð­inga sem starfa hjá rík­inu, alls munu 2.146 hjúkr­un­ar­fræð­ingar fara í verk­fall.