Starfs­menn fjár­mála­fyr­ir­tækja hafa áhuga á því að semja um styttri vinnu­viku í kom­andi kjara­samn­ingum við Sam­tök atvinnu­lífs­ins. Vel komi til greina að krefj­ast þess að hver vinnu­dagur verði styttur um hálf­tíma, en sam­kvæmt gild­andi kjara­samn­ingi er hinn almenni dag­vinnu­tími frá klukkan 9 til 17. Þetta seg­ir Frið­bert Trausta­son, fram­kvæmda­stjóri Sam­taka starfs­manna fjár­mála­fyr­ir­tækja (SS­F), í Morg­un­blað­inu í dag.

Frið­bert bendir á að margt ungt fólk, með heim­ili og börn, starfi nú hjá bönkum lands­ins og því sé rétt að aðlaga vinnu­tím­ann að heim­il­is­líf­inu. Mikil umræða hafi sprottið upp um málið á fundi trún­að­ar­manna og for­svars­manna aðild­ar­fé­laga SSF fyrir ára­mót. Í Morg­un­blað­inu seg­ir: "Voru fund­ar­menn almennt sam­mála um mik­il­vægi þess að stytta vinnu­vik­una. Hann nefnir jafn­framt að brýnt sé að setja ákveð­inn ramma utan um fast­launa­samn­inga, svo sem með því að setja ákveðið hámark á tíma unna í yfir­vinnu og láta þá eiga við um virka daga "þannig að ekki sé verið að þvinga fólk til að vinna um helgar eða á kvöldin og um næt­ur".­Kröfu­gerð hefur ekki verið mótuð fyrir við­ræð­urnar en Frið­bert segir að helst hafi verið rætt um að fara svo­kall­aða bland­aða leið í launa­hækk­un­um, þ.e. bæði krónu­tölu- og pró­sentu­hækk­an­ir. Ekki sé tíma­bært að nefna neinar tölur í því sam­band­i."

Launin 50 pró­sent yfir með­al­tali

Sam­kvæmt nýj­ustu launa­könnun Hag­stofu Íslands eru reglu­leg laun full­vinn­andi ein­stak­linga hæst í fjár­mála­geir­an­um. Árið 2013 voru þau 653 þús­und krónur á mán­uði að með­al­tali. Þau höfðu þá hækkað um 5,7 pró­sent milli ára. ­Reglu­leg mán­að­ar­laun full­vinn­andi launa­manna á íslenskum vinnu­mark­aði voru 436 þús­und krónur sama ár.

Það þýðir að fólk í fjár­mála­geir­anum var með 50 pró­sent hærri laun en með­al­tals­launa­mað­ur­inn á íslenskum vinnu­mark­aði árið 2013. Þó er vert að taka fram að launa­dreif­ing var mest innan þessa geira.