Bjarni Ólafs­son, rit­stjóri Við­skipta­blaðs­ins, hefur verið sýkn­aður í meið­yrða­máli sem Róbert Wess­man, for­stjóri Alvogen, höfð­aði gegn honum síð­ast­liðið haust. Dómur í mál­inu var kveð­inn upp í Hér­aðs­dómi Reykja­víkur í morg­un, en greint er frá mál­inu á vef Við­skipta­blaðs­ins.

Róbert stefndi rit­stjór­anum vegna setn­ingar á for­síðu blaðs­ins þann 28. ágúst síð­ast­lið­inn. Í frétt­inni var greint frá því að Björgólfur Thor Björg­ólfs­son hefði stefnt Róberti og kært til sér­staks sak­sókn­ara.

Orð­rétt segir í nið­ur­stöðu dóms­ins:

„Að mati dóms­ins var vinnsla umræddrar fréttar og fram­setn­ing hennar í blað­inu eðli­leg þar sem sjón­ar­mið stefn­anda komu skýr­lega fram, m.a. á for­síðu. Þá var umfjöll­unin ekki hlut­dræg eða í henni að finna sjálf­stæða umfjöllun blaða­manns­ins er vann frétt­ina.“

Róbert Wessman var einnig dæmdur til að greiða Bjarna Ólafs­syni eina og hálfa milljón í máls­kostn­að, að því er kom fram í máli dóm­ar­ans í dóm­sal. Í dóms­orð­inu sjálfu er hins vegar til­tekin mun hærri greiðsla, eða 1,5 millj­arður króna. Þetta reynd­ist vera villa, sem komið var auga á eftir að dóm­ur­inn hafði verið kveð­inn upp. Það var þremur núllum of mik­ið.